Qarax xooggan ayaa goor dhaw ka dhacay halka ay iska galaan wadada Maka Al Mukarama & isgoyska Sayidka ee magaalada Muqdisho.
Meel aan ka fogeyn barta Control ee laga ilaaliyo Madaxtooyada oo ku taalla isgoyska Sayidka ayuu ka dhacay qaraxani oo si weyn oo looga maqlay qeybo ka mid ah Muqdisho.
Wararka qaar ayaa sheegaya in qaraxa uu ahaa miino lagu soo qariyey jawaan wadada dhinaceeda la dhigay.
Goob joogyaal ayaa sheegay in labo qof oo shacab ah ay dhaawacyo ka soo gaareen qaraxa, kuwaasoo ku dhowaa goobta miinada la dhigay.
Qaraxa ka hor dad arkayey markii qaraxa goobta la dhigayey ayaa ciidamada ammaanka ku wargeliyey, waxaana qaraxu dhacay xili ciidamadu isku dayayeen iney xiraan goobtaas.
Xafiiska Shabakada Allbanaadir.com
Muqdisho Somalia
Allbanaadir@live.com
