Taliyaha Cusub ee Ciidamada milatariga dalka Kenya Janeraal Roberto Kibochi ayaa booqasho aan horey loo sii shaacin ku tagay xeryo ciidamada Kenya kaga sugan yihiin deegaano kuyaala gobolka Jubada Hoose.
Janeraal Roberto Kibochi ,oo dhawaan loo magacaabay taliyaha guud ee ciidanka milatariga Kenya ayaa booqashadii ugu horeesay ku tagay xeryo ay ciidamada Kenya kaga sugan yihiin deegaanada Taabta, Bilis qooqaani, Hoosingow iyo degmada Afmadow.
Taliyaha ayaa u kuur galayay xaalada ay ku sugan yihiin ciidanka milatariga Kenya ee qeybta ka ah AMISOM, waxa uu sidoo kale saraakiisha hogaamisa Ciidamada Kenya ee ku sugan Jubbaland kala hadlayay dagaalka ka dhanka ah Al Shabaab.
War kasoo baxay taliska milatariga Kenya ayaa lagu sheegay in booqashada taliye Kibochi ay aheyd mid lagu dhiira galinayo ciidamada difaacada Kenya ee ku sugan gudaha Soomaaliya gaar ahaan deegaanada Jubbaland.
Taliyaha cusub ee loo magacaabay milatariga Kenya ayaa horey madax uga soo noqday ciidamada Kenya ee qeybta ka ah AMISOM ee ku sugan Soomaaliya, waxaana la sheegay in uu wax badan kala socdo xaalada ciidanka Kenya ee jooga gudaha Soomaaliya.
Â
Xafiiska Shabakada Allbanaadir.com
Muqdisho Somalia
Allbanaadir@live.com
