Waxaa sare u sii kacaya dadka u geeriyooday cudurka Covid-19 caalamka oo dhan, waxayna xilligan gaareen in ka badan 72,000 qof iyadoo dadka uu soo ridanay ay saacad kasta sii kordhayaan.
Dadka u dhintay Coronavirus 75% waxay ku noolaayeen Yurub, laakiin Mareykanka oo xaaladiisu ka sii dareyso ayaa dadka cudurka u dhintay waxay ku dhow yihiin 10,000 qof, waxaana dunida oo dhan dadka sida cudurka ku dhow yihiin 1,300,000 (Hal Milyan iyo saddex boqol kun oo ruux).
Madaxda dalka Mareykanka ayaa si weyn uga digay in toddobaadkan maanta u bilowday ay Coronavirus u dhiman doonaan dadkii ugu tirada badnaa ee Mareykan ah, iyadoo heerka ugu sareeya uu cudurka gaari doono gobollada Mareykanka oo la ciirciiraya dhibaatadii Caafimaad ee abid ay wajahaan.
Xaalad laga naxo ayaa laga soo sheegay isbitaalada Mareykanka oo ay heysato awood ka badan, ayna ku yar yihiin qalabka caafimaadka, taasoo keentay inay awoodi waayeen in qalab ay xirtaan loo helo dhaqaatiirta iyo kalkaaliyeyaasha caamaadka ee la tacaalaya dadka badan ee soo ritay Coronavirus.
Xafiiska Shabakada Allbanaadir.com
Muqdisho Somalia
Allbanaadir@live.com
