Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa xariga ka jaray xarunta baadi qabadka ee xoolaha nool oo lagu sameeyay dib udhis iyo dayactir.
Xarig-jarka kadib ayaa duqa magaalada Muqdisho iyo ku-xigeenadiisa waxa ay kormeer ku sameeyeen qeybaha ay xaruntani ka kooban tahay oo u qeybsan sadax qeybood looguna talagalay in lagu ganaaxo xoolaha ku xadgudba bilicda Caasimadda.
Guddoomiyaha degmada Kaaraan Abshir Mxamed Maxamud ayaa warbaahinta u sharxay daahfurka xaruntani.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) oo warbaahinta la hadlay ayaa sheegay in dowlada hoose Xamar ay waajibaadkeeda ka gudan doonto xoolaha magaalada lagu soo fasaxo, kuwaasoo marka la qabto la geyn doono xaruntan si loo ganaaxo dadka iska leh ee magaalada ku soo fasaxay.
Xafiiska Shabakada Allbanaadir.com
Muqdisho Somalia
Allbanaadir@live.com
