Ciidamada Xoogga dalka qeybta 43aad ee deegaanada Jubaland ayaa labaddii maalmood ee la soo dhaafay howlgalo qorsheysan ka waday degaanada u dhexeeya Degmooyinka Kismaayo iyo Jamaame ee gobolka J/hoose.
Howlgalkani ayaa saameeyay degaanada, Muuse Xaaji, Araare iyo Kaban oo dhamaantood ka tirsan gobolka J/hoose.
Howlgalka ayaa yimid ka dib markii ciidamadu shacabka ka heleen war ku saabsan qorshe kooxda Al-shabaab ku doonayeen inay ku jabiyaan karkaarada webiga Jubba si uu ugu fataho shacabka, isla markaana ay weeraro dhuumaaleysi ah ugu qaadaan degaanada xorta ah.
Howlgalkan intii uu socday ayaa ciidaamada waxaa u suurta galay inay soo saaraan, tiro miinooyin ah oo ay hareeraha wadooyinka ku aaseen Al-shabaab.
Col. Maxamed Badal Xasan oo ka mida saraakiisha howlgalkan hoggaamineysa ayaa Radio Muqdisho u sheegay, in howlgalku sii socon doono inta degaanada Jubooyinka laga xoreynayo Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
