Tiro madaafiic ah ayaa maanta lagu garaacay xarunta Xalane ee magaalada Muqdisho, waxaana warar soo baxaya sheegayaan in qaar kamid ah madaafiicdaasi ay ku dhaceen gudaha xarunta .
Madaafiicdan oon la ogeyn halka laga soo tuuray ayaa qaarkood ku dhacay banaanka xarunta Xalane halka kuwa kalana u gudbeen gudaha xarunta Xalane, lamana oga ilaa hada wax khasaaro ah oo ka dhashay madaafiicdaasi.
Ma ahan markii ugu horeesay oo lagu weeraro xarunta Xalane Madaafiic, waxaana horey xaruntaasi loogu weeraray madaafiic khasaaro kasoo gaartay dad ku sugnaa gudaha Xalane .
Xarunta Xalane ee kutaala garoonka Aadan Cadde ayaa waxaa degan taliska ciidamada AMISOM, safaaradaha reer Galbeed iyo shirkado badan oo reer Galbeed ah, xaruntan ayaana ah mid amaankeeda si weyn loo adkeeyo.
