Waxaa goordhaw magaalada Dhuusomareeb ee caasimada maamulka Galmudug gaaray ergayda beesha Reer Xaaji Saleebaan ku matalaya shir weynaha dib u heshiisiinta dadka dega Galmudug.
Diyaarad magaalada Muqdisho ka qaaday ergadan ayaa goordhaw lagu soo dhaweeyay garoonka diyaaradaha Dhuusomareeb, waxaana halkaasi kusoo dhaweeyay xubno katirsan guddiga dib u heshiisiinta, waxgarad iyo ergo horey halkaasi u joogtay.
Ergadan maanta gaartay magaalada Dhuusomareeb ayaa aheyd ergada ugu dambeysa ee la sugayay, waxaana magaaladaasi horey u gaaray ergada beelaha kale ee dega Galmudug ku matalaya shirka dib u heshiisiinta.
Isbuucan guduhiisa ayaa la filayaa in magaalada Dhuusomareeb si rasmi ah uga furmo shirka dib u heshiisiinta Galmudug, waxaana magaaladaasi la filayaa in mar kale gaaro Ra’isul Wasaare Kheyre si shirka halkaasi uga furo.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
