Warar soo baxaya ay baahinayaan Idaacada magaalada Muqdisho qaarkood ayaa sheegaya in Hogaanka sare ee Al Shabaab Gudoomiye cusub u magacaabeen gobolka Banaadir kadib markii la dilay Gudoomiyihii hore.
Ururka Al Shabaab ayaa gudoomiyaha cusub ee gobolka Banaadir u qaabilsan u magacawday Daahir Macalin Salaad oo horey uga tirsanaa saraakiisha Sirdoonka u qaabilsanaa Al Shabaab.
Gudoomiyihii hore ee Al Shabaab u qaabilsanaa gobolka Banaadir Cali Maxamed Xuseen (Cali Jabal) ayaa la sheegay in duqeyn ay fuliyeen diyaaradaha dagaalka Mareykanka lagu dilay sanadkii 2017-dii.
Al Shabaab ayaan hada maamulin degmo katirsan gobolka Banaadir, hasa ahaatee Al Shabaab ayaa la sheegaa in wali awood badan ku leedahay Gudaha Muqdisho ayna lacago canshuuro ah iyo sakaba ka qaado ganacsatada gobolka Banaadir.
Xafiiska Shabakada Allbanaadir.com
Muqdisho-Somalia
Allbanaadir@live.com
