Kooxo biskoolado ku hubeesan oo katirsanaa Al Shabaab ayaa maanta meel ku dhaw Warshadii hore ee Baastada ee Degmada Yaqshiid waxa ay ku dileen askari katirsanaa Ciidanka Milatariga Soomaaliya.
War kasoo baxay Al Shabaab ayaa lagu sheegay in dagaalyahano biskoolado ku hubeesnaa maanta Degmada Hiliwaa ku dileen sargaal katirsanaa ciidanka Milatariga Soomaaliya iyo askari la socday.
“Howlgal Gaar ah oo ciidamada Al Shabaab maanta ay ka fuliyeen agagaarka dhismaha Xarunta Warshadii hore Baastada waxey ku dileen sarkaal sare oo ka tirsan Milaariga dowlada ” Ayaa lagu yiri warka kasoo baxay Al Shabaab.
Al Shabaab ayaa sheegay in sargaalkan ay maanta dileen darajadiisu aheyd Korneel, waxa ayna tilmaameen in uu caan ka ahaa Degmada Yaqshiid kana fulin jiray howlgalo dad lagu xir xiro.
Laamaha amaanka dowlada Soomaaliya ayaan wali ka hadlin dilkan maanta ka dhacay Degmada Yaqshiid , waxa uuna dilkan kusoo aadayaa xili Muqdisho kusoo badanayaan dilalka qorsheesan iyo qaraxyada .
Xafiiska Shabakada Allbanaadir.com
Muqdisho Somalia
Allbanaadir@live.com
