Dowlada federaalka Soomaaliya ayaa maanta si rasmi ah loogu wareejiyay gaadiid dagaal iyo sidoo kale boqolaal maleeshiyo beeleed ah oo ku sugnaa degmada Balanbale ee gobolka Galgaduud.
Munaasabada dowlada federeaalka kula wareegeysay maleeshiyaadka iyo hubkooda ayaa waxaa goob joog ka ahaa Wasiiru dowlaha wasaarada Gaashaandhiga Soomaaliya iyo taliyaasha ciidamada qalabka sida.
Maleeshiyaadkan iyo hubkooda maanta lagu wareejiyay dowlada federaalka Soomaaliya ayaa tababar kadib kamid noqon doona ciidamada Dowlada , waxaana saraakiisha ciidamada sheegeen in la diiwaan galin doono si ay u helaan xaquuqdooda.
Dowlada Soomaaliya ayaa horey ula wareegtay maleeshiyaadkii kooxda Ahlu Sunna iyo hubkooda, waxa ay sidoo kale dowlada la wareegeysaa maleeshiyaad kale si tababar loo siiyo looguna biiriyo ciidamada qalabka sida.
Xafiiska Shabakada Allbanaadir.com
Muqdisho-Somalia
Allbanaadir@live.com
