Maxkamadda Darajada Koowaad Ee Ciidamada Qalabka Sida ayaa xukun adag oo xabsi ah ku riday nin dhalinyaro ah oo lagu helay in uu katirsanaa Al Shabaab sidoo kale u qaabilsanaa kala gudbinta hubka.
Maxkamada ayaa sheegtay in Maxamed Cabdullaahi Maxamed Muuse uu Al Shabaab u qaabilsanaa kala gudbinta hubka fudud, waxaana ninkan ciidamada amaanka qabteen isaga oo wada labo biskoolad , sadex qasnad iyo rasaas.
Xeer ilaalinta Maxkamada ayaa ku eedeeyay ninkan in uu ahaa keyd hayaha hubka iyo u daabulidda goobaha ay ka geystaan Al Shabaab dilalka gaadmada ah ee lala beegsado dadka dowlada u shaqeeya iyo ciidamada.
Guddoomiyaha Maxkamadda Darajada Koowaad Ee Ciidamada Qalabka Sida Gaashaanle Sare Xasan Cali Nuur Shuute ayaa shaaciyay in Maxamed Cabdullaahi Maxkamada ku riday 15-sano oo xabsi ciidan ah uuna heesto racfaan uu ka qaadan karo xukunkan.
Xafiiska Shabakada Allbanaadir.com
Muqdisho-Somalia
Allbanaadir@live.com
