Ciidamo cusub oo kusoo wajahan Soomaaliya (Daawo Sawirada)

by Cabdi CadeJune 22, 20190

Dowlada Uganda ayaa lagu wadaa in maalmaha soo aadan Soomaaliya usoo dirto ciidamo cusub oo kamid noqonaya booliiska AMISOM ee howlgalka u jooga qeybo kamid ah gobolada Soomaaliya.

Ciidamadan cusub ee dowlada Uganda usoo direyso Soomaaliya ayaa gaaraya 160-askari, waxaana ciidankan loo soo xiray tababar mudo sanad ah ay ku qaadanayeen Dugsiga Tababarka Booliiska ee Kabalye.

Taliye ku-xigeenka Booliiska dalka Uganda, Jeneral Sabniti Muzeeyi oo ciidamadan cusun ee loo soo dirayo Soomaaliya la hadlay ayaa ku booriyay in ay noqdaan ciidamo asluub leh oo kasoo baxa waajibaadka loo igmaday.

Ciidamadan cusub ee dowlada Uganda usoo direyso Soomaaliya ayaa qeyb ka noqonaya booliiska AMISOM, waxa ayna ciidamadan ka caawin doonaan booliiska Soomaaliya dhinaca tababarada iyo sidoo kale howlgalada amaanka lagu sugayo.