Thursday, April 25, 2024
Home Blog Page 3

Maxkamada G/Banaadir oo amartay xariga Taliyaha Booliska Garoonka Aadan-Cadde

Maxkamadda Gobolka Banaadir ayaa amartay inuu maxkamadda horyimaado Taliyaha Saldhiga Booliska Garoonka Aadan-Cade oo fulin waayay amar maxkamadeed oo ahaa inuu joojiyo dhismaha ka socda dhul muran ka taagan yahay oo ku dhex jira xeyndaabka garoonka diyaaradaha

Dhulkan ayaa la sheegay in Madaxweyne Xassan Shiikh uu siiyey mudanayaal ka tirsan baarlamaanka Soomaaliya, iyadoo dhulkaas ay sheeganayaan milkiyadiisa qoyska Reer Cali Ugaas,  kuwaas oo cabashadooda jeedinayay maalmihii u dambeeyey.

Taliyaha Saldhiga booliska ee garoonka Aaden-Cade ayaa iska diiday fulinta amarka maxkamadda, isagoo helay amarka madaxtooyada ee kuwajahan dhulkan, maxkamadda ayaa mar kale maanta amartay in lasoo xiro Taliyaha saldhigan, iyadoo warqada loo diray Taliska guud ee ciidamada Booliska,

Ilo wareedyo ayaa sheegaya in uusan awoodin Taliyuhu inuu maxkamadda horkeeno taliye qeybeedka helaya amarada madaxtooyada.

Dhul boobka la socda Muqdisho ayaa cirka isku shareertay, tan iyo markii xilka loo doortay madaxweyne Xasssan Shiikh labo sano ka hor.

HOOS KA AKHRISO QORAALKA MAXKAMADA

- Advertisement -

Nin Saddex Xaasle Aabe u ah 46 Carruur oo raadinaya Xaas Afaraad uu guursado

Ahmed Agha Nanawa oo 52 jir ah una dhashay dalka Afgaanistaan ayaa la soo weriyey inuu ku naalloonayo inuu guursado Xaas Afaraad, xilli ay 3 Xaas ee uu haatan qabo ay isaga u dhaleen 46 carruur ah, Maasha Allaah.

Qoyskaasi waxay ku wada nool yihiin Hal Dhismo Guri oo ku yaalla Degmada Rabat-e-Sangi ee Gobalka Herat ee Galbeedka dalkaasi.

Ahmed Agha Nanawa oo Mehrad Foorno ku leh Degmadaasi waxa uu tilmaamay in Tiro ka mid ah carruuriisa ay kala shaqeeyaan Ganacsiga Fornada ee uu ku leeyahay Suuqa Degmadda Rabat-e-Sangi.

Sida laga soo xigtay Axmed Agha Nanawa waxa uu xusay in carruurta badan ee uu dhalay ay isaga ka dhigtay Shaqsi caan ka noqday Ganacsatada iyo Shacabka kula nool Degmadda Rabat-e-Sangi.

Docda kale, Ahmed Agha Nanawa waxa uu tilmaamay inuu ubadkiisa ula macaamilo si Wanaagsan, oo uu aad u jecel yahay iyo in Waalidnimo ka sokow ay Saaxiibo wada yihiin.

Wareysi Khaas oo uu bixiyey ayaa waxa uu ka shanqariyey inuu qorsheynayo inuu Xaas Afaraad guursado sida ugu dhaqsaha badan.

Waxa uu intaasi ku daray inay Xaasaskiisa kale raalli ka yihiin inuu Xaas Afaraad la guursado.

Mid ka mid ah Wiilashiisa oo lagu magacaabo Parvis Ahmed Agha waxa uu sheegay inuu isaga xitaa doonayo inuu guursado Xaasas badan si uu u helo carruur badan sida Aabihisa oo kale.

Dadka deriska la ah Qoyskaasi waxay garwaaqsadeen inay Aabahaasi u aqoonsadaan inuu Tusaale Wanaagsan oo ku-dayasho mudan u yahay kuwa kale ee sidiisa oo kale u yegleelayo Qoysas ballaaran.

Munaasabadii Ciiddul-fitriga waxa uu sheegay inuu 50,000 oo Lacagta Afgaanistaan ku Kharaj gareeyey Dharka iyo Kabaha ay ku Ciideen dhamaan Carruurtiisa (Gabdho iyo Wiilal).

WT Ustaad Nuuradiin Abuukar

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Ra’isul Wasaare Xamse Barre oo Muqdisho ka furay shirka maalgashiga Soomaaliya (Sawirro)

Ra’iisul Wasaaraha Xukuumadda Soomaaliya Mudane Xamsa Cabdi Barre, ayaa furay shirka maalgashiga Soomaaliya oo lagu soo bandhigayey sidii looga faa’iideysan lahaa fursadaha maalgashi ee ka jira Soomaaliya, iyada oo laga faa’iideysanayo fursadaha jira ee ay kamid tahay deyntii oo laga cafiyey Soomaaliya iyo ku biirista suuqa ganacsiga Bariga Afrika.

Ra’iisul Wasaare Xamsa ayaa sheegay in Soomaaliya ay tahay waddan qani ah oo leh kheyraad kala duwan, sidaas awgeedna ay Xukuumadda dedaal ugu jirto soo jiidashada iyo dhiirigelinta maalgashiyo caalami ah oo dalka u horseeda isku filnaansho dhaqaale iyo shaqo abuur.

Xamse ayaa ku dhiirigeliyey maalgashiyada gudaha iyo dibedda in ay ka faa’iideystaan fursadaha badan ee ka bannaan maalgashiga dalka, isaga oo xusay in fursadaha jira ay sii dhiirigelinayaan amniga oo soo hagaagaya iyo shuruucdii maalgashiga hagaysay oo la dhammeystiray, Tallaabooyinkaas oo damaanad siinaya maalgashadeyaasha caalamiga ah.

Shirka oo ay soo qaban-qaabisay Wasaaradda Qorsheynta, Maalgashiga iyo Horumarinta Dhaqaalaha, ayaa waxaa ka soo qeyb galeen ganacsato ka socotay waddamada Bariga Afrika, iyada oo lagu soo bandhigay fursadaha waaweyn ee dhinaca maalgashiga ah ee ka jira Soomaaliya, kuwaas oo u baahan in lagu sameeyo maalgelin, si bulshada Soomaaliyeed ay uga faa’iideystaan.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Xarunta howlgalka deg-dega ah ee caafimaadka G/Banaadir oo xarigga laga jaray (Sawirro)

Guddoomiyaha gobolka Banaadir ahna duqa magaalada Muqdisho Mudane Yuusuf Xuseen Jimcaale (Madaale) ayaa xarigga ka jaray xarunta howlgalka deg-dega ah ee caafimaadka dadweynaha gobolka Banaadir.

Xaruntaan oo laga hirgeliyay degmada Xamarweyne ee magaalada Muqdisho ayaa noqon doonta mid la socota dhaq-dhaqaaqyada xaaladaha caafimaadka ee gobolka ka jira iyo uruurinta xogaha, sida uu sheegay agaasimaha caafimaadka maamulka gobolka Banaadir.

Guddoomiyaha gobolka Banaadir Mudane Yuusuf Xuseen Jimcaale (Madaale) ayaa sheegay in xaruntaan howlgalka deg-dega ee caafimaadka dadweynaha ay qeyb weyn ka qaadan doonto daboolida adeegyo caafimaad oo ay baahi u qabaan bulshada gobolka Banaadir.

Sidoo kale waxa uu sheegay in maamulka gobolka Banaadir ay ka go’an tahay horumarinta adeegyada caafimaadka, isagoona faray agaasinka caafimaadka dowladda Hoose ee Xamar in xoogga la saaro arrimaha Faya-dhowrka si loo ilaaliyo bad-qabka Bulshada.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Wasiir awood badan iyo saameyn ku lahaa Ruushka oo la xiray iyo Dambiga loo heesto

Ciidamada ammaanka dalka Ruushka ayaa xabsiga dhigay Wasiir Kuxigeenka Wasaaradda Difaaca Ruuska Timur Ivanov ,kaddib markii lagu eedeeyay in uu ku kakacay falal la xariira musuqmaasuq.

Timur Ivanov ayaa kamid ahaa wasiiradda ugu saameynta iyo awoodda badan xukuumadda Ruushka, waxa uuna hadda wajahayaa fadeexad fool xun oo la xariirta in uu qaatay lacago musuqmaasuq ah.

Guddiga baarista kiiska wasiirka loo heesto ayaa sheegay in ay ku socdaan baaritaano qoto dheer, waxa ayna xuseen guddigan in wasiirka  lagu tuhmayo in uu qaatay lacago laaluush ah oo loo soo bandhigay.

Dambiyada lagu soo eedeeyay Wasiir kuxigeenka Wasaaradda Gaashaandhigga dalka Ruushka haddii lagu helo ayaa la sheegay in uu wajihi karo xukun gaaraya 15-sanno oo xabsi ah iyo in laga mamnuuco in shaqo dowladeed qabto.

Kiiskan ayaa noqonaya kii ugu weynaa ee musuqmaasuq ee lagu eedeeyo sarkaal sare oo Xukuumadda Ruushka ka tirsan tan iyo markii Madaxweyne Vladimir Putin uu ciidamada Ruushka u diray Ukraine bishii Febraayo 2022.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Wasiirka Amniga oo guddoomiyay shirka wajiga labaad ee Mashruuca JPP (Sawirro)

Wasiirka Wasaaradda Amniga Gudaha ee JFS S/Guuto C/laahi Sheikh ismaaciil (Fartaag) ayaa Gudoomiyey shirka wajiga Labaad ee mashruuca JPP ee Horumarinta Boliiska Soomaaliyeed, kaasi oo looga arrinsanayo sidii loo Horumarin lahaa Boliiska,

Shirkan waxaa Goobjog ahaa Taliyaha Ciidanka Boliiska Soomaaliyeed S/Guuto. Sulub Axmed Firin, Wasiirada Amniga Dowlada Goboleedyada Xubinta ka ah Dowlada FDS iyo deeqbixiyaasha.

Ujeedka Shirkan ayaa ahaa sidii sare loogu qaadi lahaa tayada iyo aqoonta Ciidanka Boliiska Soomaaliyeed, si ay ula falgalaan Bulshada Soomaaliyeed.

Wasiir Fartaag oo shirka hadal ka jeediyey ayaa uga mahadceliyaya saaxiibada Caalamka ee Marwalba garab istaaga Boliiska Soomaaliya.

Dhanka kale Taliyaha Ciidanka Boliiska Soomaaliya S/Guuto Sulub axmed Firin ayaa ka hadlay habka loo marayo mashruuca Hormarinta Boliiska Soomaaliya, kana mahaceliyay shqeynta wanaagsan ee saaxiibada caalanka ee garab istaagay Boliiska Soomaaliya.

- Advertisement -

Duqeymo lagu bur buriyay xarumo Al Shabaab lahaayeen iyo garaash qaraxyo lagu diyaarinayay

Diyaaradaha dagaalka ee caawiya ciidanka xoogga dalka Soomaaliya ayaa xalay fuliyay duqeymo culus oo lagu bartilmaameedsaday baabuur Al Shabaab lahaayeen iyo goobo kale ayaa ka dhacay deegaanno katirsan Hirshabelle iyo Galmudug.

Duqeyn culus ayaa lagu garaacay koontarool Al Shabaab ku baaraan gaadiidka iyo dadka, kaa oo u yaallay duleedka degmada Ruunirgood ee gobolka Shabeelaha Dhaxe, waxaana duqeyntaasi la sheegay in lagu dilay toban xubnood oo katirsanaa Al Shabaab.

Saraakiisha ciidanka dowladda ayaa sidoo kale sheegay in duqeyntaasi lagu bur buriyay gaadiid ay lahaayeen kooxda Al Shabaab , sidoo kale ka firxadeen goobtii ay shacabka ku dhibaateenayeen ee la duqeeyay.

Duqeyn kale oo diyaaradeed ayaa ka dhacday deegaanka Carfuudo oo hoostaga tuulada Wadaariq ee gobolka Mudug, waxaana halkaasi lagu beegsaday xubno katirsan jabhadaha Al Shabaab , waxaana lagu bur buriyay afar goob ay ku sugnaayeen jabhadaha Al Shabaab

Waxaa sidoo kale duqeynta ka dhacday gobolka Mudug lagu bur buriyay garaash Al Shabaab lahaayeen oo ay ku jireen gaadiid dagaal iyo sidoo kale gaadiid kale oo la sheegay in qaraxyo lagu diyaarinayay.

Taliska ciidanka xoogga ayaana sheegay in Al Shabaab khasaarooyin lagu gaarsiiyay duqeymihii ugu dambeeyay ee lala beegsaday, waxa ayna xuseen in gaadiid dagaal iyo kuwa kale oo qaraxyo waday dhulka lala simay, ayna sii socon doonaan duqeymaha.

Xafiiska Shabakada Allbanaadir.com
Muqdisho Somalia
Allbanaadir@live.com

 

- Advertisement -

Al Shabaab oo lagu jabiyay weerar culus oo ay ku qaadeen deegaanka Xawaadley iyo Meydad..

Dagaalamayaal katirsan kooxda Al Shabaab ayaa xalay weerar culus ku qaaday deegaanka Xawaadley ee gobolka Shabeelaha Dhaxe, waxaana halkaasi ka dhacay dagaal culus oo khasaaro badan dhaliyay.

Sida aan wararka ku helnay Al Shabaab ayaa weerarka ay qaadeen u adeegsaday qaraxyo iyo weerar toos ah, waxa ayna beegsadeen saldhigyo la sheegay in ciidanka dowladda iyo kuwa deegaanka ku leeyihiin deegaankaasi.

Saraakiil katirsan ciidanka xoogga dalka ayaa sheegay in weerarka Al Shabaab ku qaadeen deegaanka Xawaadley la fashiliyay, waxa ayna xuseen in hayeen xogta weerarka ayna uga hortageen goobo ka baxsan saldhigyadii ay qorsheeyeen in ay weeraraan.

Waxa ay sheegeen saraakiisha ciidanka in Al Shabaab weerarka kaga dileen xubno badan kuwa kalana kaga dhaawaceen, waxa ay sidoo kale xuseen in ay jiraan xubno dagaalka looga qabtay Al Shabaab iyo hub badan oo laga furtay.

Dadka deegaanka ayaa ku waramaya in meydadka xubno katirsan Al Shabaab lagu arkayo goobihii lagu dagaallamay, waxaa sidoo kale la sheegay in Al Shababa horey usii qaateen askar dhaawac ah iyo kuwa laga dilay meydadkooda.

Al Shabaab ayaa sidoo kale la sheegay in laga fashiliyay qorshe ay doonayeen in ay ku qarxiyaan buundada deegaanka Xawaadley marta, waxaana dagaal muddo kooban socday kaddib Al Shabaab u firxadeen halkii ay ka yimaadeen.

Ciidanka xoogga dalka oyo kuwa dadka deegaanka ayaa saakay wada howlgalo ay ku baadigoobayaan kooxdii weerarka soo qaaday, waxa ay sidoo kale ciidanka raadinayaan xubno ay ka carareen Al Shabaab iyo hub.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Dowladda oo soo saartay Digniino la xiriira Khataro ka dhalan kara Roobab ka da’aya gobolada…

Wasaaradda Deegaanka XFS ayaa soo saartay warbixin ku aaddan saadaasha hawada iyo digniino ku saabsan Isbeddelka Cimilada, iyadoo saadaalisay in 27-ka bishan uu roobku wada gaari doono inta badan gobollada dalka, kuwaas oo soo billowday 20-kii bishan April.

Warbixinta wasaaradda ayaa sheegtay in Webiga Shabeelle uu khatar ugu jiro in uu fataho gaar ahaan magaalada Jowhar oo ay ka harsan tahay kaliya 23 cm ee billowga fatahada Wabiga Shabeelle.

Waxa kale oo suurta-gal ah ayaa la lagu yiri warbixintan in ay ka dhashaan roobka daadad degmooyinka dhaca goballada Bay, Sanaag, Waqooyi Galbeed, Togdheer, Banaadir, Hiiraan iyo Gedo, kuwaas oo hakad gelin kara dhammaan isku socodka gadiidka iyo kaabayaasha nolasha guud ahaan iyadoo xaddiga roobkuna uu u dhaxeyn doono 50% ilaa 60%.

Wasaaradda Deegaanka Xukuumadda Soomaaliya ayaa sidoo kale sheegtay in xaddiga kuleylkauu isna sii ahaan doono mid u dhaxeeya 32°-39° guud ahaan Soomaaliya.

Warbixinta ayaa lagu xusay in waaxda Saadaasha Hawada ee Wasaarada Deegaanka iyo Isbeddelka Cimilada XFS ay ku boorineyso dhamaan bulshada Soomaliyeed in ay muujiyaan taxaddar iyo feejignaan dheeri ah.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Ganacsade Soomaaliyeed oo guul ka keenay dacwad uu ka gudbiyay booliska Turkiga

Maxkamad ku taalla magaalada Ankara ee dalka Turkiga ayaa xukuntay in booliiska Turkiga ay takoor ku sameeyeen milkiile maqaayadeed oo Soomaali ah, iyagoo aqoonsaday midab-takoor lagu fulinayo tallaabooyin ka dhanka ah ganacsiyada ay leeyihiin dadka soo galootiga ah.

Go’aankan ayaa daba socda dhacdooyin is xigxigay oo muujinayay nacaybka ka dhanka ah muhaajiriinta ee kusii kordhaya caasimadda Turkiga.

Maxamed ciise cabdullaahi, oo ah milkiilaha maqaaxida Somali Saab Cafe ee ku taal Kızılay, ayaa wajahay weeraro uga imanaya Booliska oo bilowday sannadkii 2021, taasoo keentay in la xiro ganacsigiisa.

Laba makhaayadood ayaa Maxamed kaga xirmay tacaddiyada loo geystay iyaga iyaga, shaqaalaha iyo macaamiishaba taas oo ugu dambeyn horseedday in ay xirmaan labada makhaayadood ee kala ah SAAB iyo Somali Sofrasi.

Maxamed  ayaa sheegay in ay makhaayadaha inta badan ku samayn jireen cuntooyinka Soomaalida iyo kuwa bariga Afrika isla markaana macaamiishoodu ay u badnaayeen dadyowgaas.

Markii dhaqaalihii dalku xumaaday, doorashooyinkuna soo dhawaadeen xilligii karoonaha kadib ayaa waxaa bilaabatay in si toos ah loo yidhaahdo Soomaalidu meesha haka guuraan,” ayuu yiri Maxamed oo sheegay in markii hore si fiican loo soo dhaweeyay.

Balse nacaybka lagu kala ayu uku sifeeyay in marka dal dhaqaalihiisu xumaado, ay dadku , “si ula xiriiriyaan in ay ku lug leeyihiin dadka ajaaniibta ahi… marka maadaama ay Soomaalidu midab ahaan ka duwan tahay dadka Turkida ah iyo dadka kale ee Aasiyaanka ah sidaas ayey bartilmaameed ku noqdeen”.

Maxamed waxa uu raadiyay dacwo sharci ah waxana uu dacwad u gudbiyay hay’ada xuquuqul insaanka iyo sinnaanta ee Turkiga (TİHEK), taas oo markii hore wayday wax xadgudub ah.

Si kastaba ha ahaatee, go’aankan ayaa maxkamad la horgeeyay, taasoo keentay go’aankan adag.

Maxkamadda maamulka 5-aad ee Ankara ayaa ogaatay in falalka ay ku kaceen mas’uuliyiinta fulinta sharciga intii ay socdeen howlgallada ay ahaayeen kuwo isir naceyb ah. Cadeymaha muuqaalka ah ee uu soo bandhigay Maxamed Ciise ayaa muujinaya hadalo takoor ah oo ay sameeyeen saraakiisha booliiska waxayna xaqiijiyeen “dhaqankooda cunsuruyadda ah”.

“Booliska Turkiga waxay nagu takooreen Soomaali baan nahay, taasna waxaa hadda lagu xaqiijiyey go’aan maxkamadeed,” ayuu yiri Maxamed oo Soomaaliya ku maqnaa tan iyo markii lagala noqday sharciga.

Maxamed ayaa ku sifeeyay in halganka sharciga ee ay galeen laba waxyaabood laga baran karo, “tan kowaad in la fahmo in dadka Soomaalida ahi wax iska dhicin karaan oo xuquuqdooda yaqaaniin raadsanayaanna, iyo tan labaad oo ah in dadka doonaya in ay ganacsi ka samaystaan Turkiga ay ogaadaan in sharcigii ay ganacsiga ku bilaabeen ee dalka ka jiray uusan hadhow iyaga ilaalin doonin”.

Arrintan ayaa loo tiirinayaa in ay riixayayaan qolyaha midigta fog ee Turkiga oo kasoo horjeeda soo galootiga, waxayna wargeysyada taageera soogalooti diidku qoraan maqaallo iyo warar ka dhan ah dadka aan asal ahaan Turkida ahayn ee halkaas ku jooga qaxooti ahaan amaba ganacsato.

Wargayska lagu magacaabo Sozcu ayaa sannadkii 2021 qoray sida tan:

”Ganacsatada iyo dadka qaxootiga ah ee ka soo qaxay dalka Soomaaliya ee ku yaala Bariga Afrika ayaa gabi ahaanba dhalan rogay laba wado oo ku yaala xaafadda Kızılay ee xudunta u ah magaalada Ankara ee dalka Turkiga. Waxay sudheen boorar ku qoran af-Soomaali waxayna furteen maqaayado, timo-jareyaal, dukaamo, saaluunno iyo suuqyo”.

Warkan ayaa lagu xusay Maxamed Ciisa Cabdullaahi iyo laba maqaayadood oo uu ka furtay dalka sida uu wargeysku ku doodayo.

“Maxamed ciise cabdullaahi oo cilmiga dhaqaalaha iyo diimaha ka bartay jaamacada Samsun 19 Mayıs ayaa waxbarashada jaamacadda ka dib waxa uu sii joogey dalka Turkiga waxa uuna furay laba maqaayad oo kala duwan” ayuu sheegay wargeysku.

Wararkan ayaa loo arkaa in ay tooshka ku ifiyeen Maxamed iyo kuwa kale si ay bartilmaameed ugu noqdaan xubnaha laamaha ammaanka ee midab takoorku ku jiro.

Sannadkii 2021, wargeyska Middeasteye ayaa qoray in aagga Kizilay Square oo ah halka laga xiray maqaayadda Maxamed ay soo nooleeyeen ganacsato Soomaali ah.

Bulshada Soomaaliyeed ee sii kordheysa ee caasimadda Turkiga ayaa halkan ka hirgeliyay maqaayado, goobo lagu shaaho, dukaanno dharka lagu iibiyo iyo ganacsiyo la-talin ah, iyagoo si tartiib tartiib ah goobtan duugga ah uga dhigay xaafad firfircoon.

Si kastaba ha ahaatee, barwaaqada xaafad ay Soomaalidu ku badan tahay ayaa dalka Turkiga ka noqotay bartilmaameed xadgudubyo, halkaasoo ay ku soo badanayaan nacaybka soogalootiga, ayuu yiri wargeysku.

Soomaalida ayaa lagu tiriyaa in ay yihii dad firinfircoon oo ganacsiyo ka sameeya mel kasta oo fursaddaas siisa. Ka horeeyay caabuqa Covid19 ee caalamka badalay, waxaa sare u kacay Soomaalida deegaan ahaan iyo ganacsiba ugu guurayey dalka Turkiga oo ay soo dhaweyn kala kulmeen dhanka dawladda iyo shacabka intiisa badan.

Source BBC

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

News in English

Let President Hassan complete his term with the mandates he was...

During President Hassan Sheikh Mohamud's tenure, along with his Vice, Prime Minister Hamze Abdi Bare, they successfully oversaw the completion of the constitution, aligning...

Xulka Allbanaadir

Ka farxi CIIDA Aabe Soomaaliyed oo musiibo ku habsatay & qoyskiisa...

Marxaladaha Nolosha Insaanka waxaa ugu qaalisan dhalinyaro-nimada oo ah xiliga ugu firfircoon ee uu qofka u shaqeysan karo, Maxaad u maleyneysaa xanuunka ay leedahay...

HINNA Jobs