Boqolaal qof ayaa galabta kaga qeyb galay qabuuraha muslimiinta ee magaalada Nairobi aaska wiilal Soomaali ah oo ka mid noqday dad badan oo lagu dilay weerarkii shalay ka dhacay magaaladaas.
Faysal Axmed Rashiid iyo Cabdalla Sheekh Maxamed Daahir oo ka soo jeeda gobolka Woqooyi Bari Kenya ayaa u shaqaynayey hay’ad kuwa gargaarka ah oo laga leeyahay dalka Britain.
Labada wiil oo saaxiibo ayaa xilliga la dilayey waxay ku qadaynayeen maqaayad ku taalla hoteelka la weerarey ee Dusit oo ay gudaha u galeen dabley ka tirsan Al-shabaab.
Soomaalida ku nool magaalada Nairobi iyo gaar ahaan eheladooda ayaa si weyn uga naxay geerida wiilashan.
Madaxweynaha Kenya, Uhuru Kenyatta ayaa sheegay in 14 qof oo rayid ah ay ku dhinteen weerarkii Al-Shabaab ay ku qaadeen hotel Dusit oo ku yaalla magaalada Nairobi.
Xafiiska Shabakada Allbanaadir.com
Muqdisho Somalia
Allbanaadir@live.com
