Munaasabad xil wareejin ah ayaa ka bilaabatay caawa Xarunta aqalka dowlada hoose ee Muqdisho oo ku yaalla degmada Xamar-weyne ee gobolka Banaadir.
Munaasabadan ayaa waxaa xilalka ku kala wareegaya guddoomiyaha gobolka Banaadir Ing. C/raxmaan Yariisow iyo ku-xigeenadiisa cusub iyo guddoomiyihii hore ee gobolka Taabit Cabdi Maxamed iyo ku-xigeenadiisii hore.
Xafladan oo ah mid si weyn loo soo qaban-qaabiyey ayaa Waxaa ka qeyb galaya Ku-simaha Madaxweynaha ahna Gudoomiye ku-xigeenka 1aad ee Golaha Shacabka C/wali Ibraahim Muudey, Wasiirka Arrimaha Gudaha, Wasiirka Amniga, Madaxweynaha Hirshabeelle, Xildhibaano, Senatoro Guddoomiyeyaashi hore ee gobolka Banaadir Tarsan iyo Mungaab & masuuliyiin kale.
Gudoomiye Yariisow iyo ku-xigeenaddiisa ayaa maanta lagu soo wareejiyey xarumaha maamulka gobolka Banaadir, waxaana hor socday guddoomiye Taabit oo caawa xilka wareejinaya.
Xafiiska Shabakada Allbanaadir.com
Muqdisho Somalia
Allbanaadir@live.com
