Sida ay sheegayaan warar laga helayo Madaxtooyada Soomaaliya madaxda dalalka Itoobiya iyo Eritrea ayaa ku soo jeedaan magaalada Muqdisho maalinta beri ah
Ra’iisal wasaaraha Itoobiya Abiy Ahmed iyo Madaxweynaha Eritrea Isaias Afwerki ayaa la sheegay inay berri imaan doonaan magaalada Muqdisho, si ay uga qeyb galaan shirka saddexaad ee isbaheysiga saddex geesood ah (Itoobiya-Somalia- Eritrea).
Warar kale, oo aan la xaqiijin ayaa iyana sheegaya in booqashada labada hogaamniye ay ku beegan tahay Khamiista.
Waxaa la adkeeyay amniga magaalada Muqdisho iyo xarunta Madaxtooyada Soomaaliya, waxaana la joojiyey dhaqdhaqaaqyadii gaadiidka ee xubnaha degan madaxtooyada iyadoo shirka saddexda hoggaamiye uu noqonayo kii saddexaad kadib heshiiskii ay ku gaareen magaalada Asmara.
Shirka madaxda saddexda dal ee Muqdisho ayaa ku soo beegmaya iyadoo Madaxweyne Farmaajo uu wajahayo mooshin laga keenay xil ka qaadistiisa, iyadoo arrimaha lagu heysto ay ka mid tahay heshiiska uu la galay labadan hogaamiye.
Xafiiska Shabakada Allbanaadir.com
Muqdisho Somalia
Allbanaadir@live.com
