War-saxaafadeed kasoo baxay Dowladda Federaalka Soomaaliya, ayaa lagu sheegay in iyaga oo kaashanaya taliska ciidamada Mareykanka ee Afrika (AFRICOM) la fuliyay laba duqeyn oo cirka ah oo lagu beegsaday kooxda argagaxisada ah ee ISIS-Somalia.
Duqeyntii ugu horreysay waxay dhacday 31-kii May 2025, waxa ayna ka dhacday meel qiyaastii 75km koonfur kaga beegan magaalada Boosaaso, halka duqeyntii labaadna ay dhacday 1-da Juun 2025, meel qiyaastii 72km koonfur kaga beegan isla magaalada Boosaaso ee gobolka Bari.
Howlgalkan ayey dowladda sheegtay in ay qayb ka tahay dadaallada wadajirka ah ee lagu wiiqayo awoodda kooxda ISIS-Somalia ee ku aaddan qorsheynta iyo fulinta weerarada argagixiso ee khatar ku ah shacabka Soomaaliyeed, ciidamada qalabka sida iyo saaxiibada caalamiga ah.
Xafiiska Shabakada Allbanaadir.com
Muqdisho Somalia
Allbanaadir@live.com.
