Madaxweynaha cusub ee loo doortay maamulka Somaliland, Cabdiraxmaan Maxamed Cabdillaahi (Cirro) ayaa saakay kulan la qaatay qaar kamid ah taliyaasha ciidamada Somaliland.
Telefishinka maamulka Somaliland ayaa baahiyay in madaxweynaha la doortay ee Cabdiraxmaan Cirro uu kulan la yeeshay taliyaha ciidamada ugu sarreya ee Somaliland, oo ay weheliyaan saraakiisha ciidamada.
Sidoo kale Madaxweyne Cabdiraxmaan Cirro ayaa la kulmay taliyaha ciidanka dabdamiska Somaliland iyo saraakiil kala duwan , waxa uuna ku bogaadiyay shaqada ay u hayaan dadweynaha Somaliland.
Madaxweynaha cusub ee maamulka Somaliland Cabdiraxmaan Cirro, ayaa sidoo kale kulamo la leh masuuliyiin, siyaasiyiin, waxgarad iyo qeybaha kala duwan ee bulshada, kuwaa oo hambalyo ugu tagaya Madaxwnaha la doortay.
