Xiriirka kubadda cagta Ingiriiska (FA) ayaa ku qasbanaaday inay raali-gelin ka bixiyaan go’aan looga joojiyay inay kulan kubadda cagta oo ka tirsan horyaalka haweenka London ku ciyaarto dhar asturan oo uu ku jiro surwaal dheer gabar Soomaali ah
Iqra Ismaaciil ayaa ka hor timid inay ku ciyaarto surwaal gaaban oo jirkeeda muujinaya iyadoo markaa diidday inay ka tagto waxa ay diinteedu farayso
Ugu dambeyn waxaana hadda loo oggolaaday sida ay doonayso ee ah asturnaanta iyo surwaalka dheer inay ku ciyaari karto.
Iqra oo tan iyo siddeed jirkeedii banooniga dheeli jirtay, ayaa sheegtay in mar walba xirato shaati gacmo-dheere ah, funaanadda kooxda, hijaabka ciyaaraha loogu talo-galay iyo surwaal dheer iyo qalab kale oo muhiim ah.
Gabadhan ayaa u ciyaarta kooxda United Dragons, waxay horey usoo noqotay sannadkii 2019, kabtanka kooxda qaranka haweenka ee kubadda cagta Soomaaliya
