Israa’iil ayaa caawa duqeyn culus ka geysatay koonfurta caasimadda Lubnaan ee Beirut.
Israa’iil ayaa ku sheegtay duqeynta ay ku geysatay xaafadda Dahiyeh ee koonfurta Beirut, inay ku dishay sarkaal sare oo ka tirsan Xisbullah
Fouad Shukr waa mid ka mid ah magacyada ugu muhiimsan howlgaliyaasha Xisbullah oo sidoo kale ah la-taliyaha sare ee arrimaha militariga ee hoggaamiyaha Xisbullah, Xasan Nasrallah,
Israel ayaa ku eedeysay inuu ahaa maskaxdii ka dambeysay weerarkii Majdal Shams oo lagu dilay 12 qof oo ka soo jeeda Suuriyaanka deggan gobolka la heysto ee Golan Heights.
Haddii dhimashadan laga soo sheego dhinaca Xisbullah, taasi waxay ka dhigantahay argoosi sare oo Israa’iil ku dhaqaaqday.
Shukr oo loo yaqaan Hajj Mohsen, waxay FBI-da Mareykanka ku raad joogtay muddo dheer, waxay markaa ku eedeynayeen inuu ku lug lahaa qaraxii ka dhacay xeradii ciidamada badda Mareykanka ee Beirut 1983-kii kaasoo lagu dilay 241 askari oo Maraykan ah.
