Taliyaha ciidanka dhulka xoogga dalka Soomaaliyeed Gen Dayax Cabdi Cabdulle ayaa kormeeray Taliska guutada 17-aad ee kumaandooska Gorgor.
Taliyaha ayaa la kulmay saraakiisha hoggaaminta ciidanka isagoo xusay muhiimada gudashada waajibaadka dhameystirka dagaalka lagula jiro Al shabaab.
Taliyaha ciidanka dhulka ayaa ciidanka xoogga dalka Soomaaliyeed ku amaanay sida qabka iyo kartida leh ee ay u gudanayaan waajibaadkooda Qaran.
Waxaa uu kula dardaarmay ciidanka Gorgor inay laba laabaan howlgalka dalka looga sifeynayo Al-shabaab oo uu sheegay inuu hadda galayo wajigiisa labaad.
