Ciidanka dowladda Soomaaliya gaar ahaan kuwa ilaalinta deegaanka Xamar ayaa xoojiyay howlgallada ka dhanka ah goobaha maqaayadaha iyo hoteelada xilliyada habeenkii lagu isticmaalo waxyaabaha maanka-dooriya sida xashiishka iyo shiishada.
Taliyaha howlgelinta ciidanka ilaalinta deegaanka Xamar Sharma’arke Caddow Tuur-Yare oo warbaahinta la hadlay ayaa sheegay in ciidanka xireen goobo wiilasha iyo gabdhaha ku isticmaali jireen maanka-dooriya oo kuyaalla Muqdisho.
Waxa uu sheegay taliyaha in goob ay u heesteen in ay tahay maqaayad caadi ah ugu tageen arrin aad uga naxeen, waxa uuna xusay in goobtaasi ay dhallinyarada isugu tagi jireen kuna isticmaali jireen waxyaabaha maanka-dooriya.
Maqaayadan oo kutaalla agagaarka KM-4 ayaa la sheegay in ay tagi jireen inta badan dhallinyaro u badan shaqaalaha dowladda ay ku jiraan saraakiil, kuwaa oo gabdha inta meesha geesta ku isticmaali jiray waxyaabaha maanka-dooriya.
Taliyaha ayaana sheegay in hadda waxii ka dambeeya caasimadda mamnuuc ka tahay in lagu isticmaalo maan-dooriye, waxa uuna bulshada caasimadda ka codsaday in ciidanka kala shaqeeyaan kahor tagida dhaqan-xumada iyo isticmaalka maan-dooriyaha.
Ugu Dambeyn taliyaha ayaa ugu baaqay waalidiinta Muqdisho in ay la socdaan dhaw dhaqaaqa carruurtoda gaar ahaan gabdhaha, waxa uuna sheegay dadka inta badan isticmaala waxyaabaha maanka-dooriya yihiin dhallinyaro yar yar oo qaarkood la qadlay.
Xafiiska Shabakada Allbanaadir.com
Muqdisho Somalia
Allbanaadir@live.com
