Ciidanka xoogga dalka Soomaaliya gaar ahaan guutada 9-aad qeybta 60-aad ayaa howlgalo ka fuliyay tuulooyin la sheegay in ay ku sugnaayeen dagaalyahanno katirsan Al Shabaab, kuwaa oo dhibaatooyin ku hayay dadka deegaanka.
Howlgalkan ayaa ciidamada si gaar ah uga sameeyeen tuulooyin dhowr ah ay kamid yihiin Farag, Wargoloole, Hooyaley, Abagbeeday, iyo dudumaale oo oo katirsan gobolka Bakool, waxaana tuulooyinkaasi la sheegay in ay joogeen xubno katirsan Al Shabaab.
Abaanduulaha Guutada 9-aad qabta 60-aad ee ciidanka xoogga dalka Soomaaliyeed G/le Yuunis Aadan Xasan oo hoggaaminayay howlgalkan ayaa sheegay in ciidamada kala eryeen xubnihii Al Shabaab ee ku sugnaayeen goobaha ay tageen.
Waxa uu sheegay taliyaha in ciidamada sii wadayaan howlgalada ka dhanka ah kooxda Al Shabaab ee ku sugan deegaanno iyo tuulooyin katirsan gobolka Bakool, uu sheegay in Al Shabaab shacabka ku dhibaateeyaan.
Xafiiska Shabakada Allbanaadir.com
Muqdisho Somalia
Allbanaadir@live.com
