Taliska Hay’adda Nabad Sugida iyo Sirdoonka Koonfur Galbeed ayaa Howlgal Qorshaysan oo ay ka Fuliyeen Xaafada Mursal ee Magaalada Baydhabo waxay ku soo saareen Miino.
Waxaa laga helay miinadan Isgoyska suuqa Mursal oo lagu aasay.
“Khawaarijta waxay ku doonayeen miinadan inay ku dhibaateeyaan Shacabka Soomaaliyeed ee ku Ganacsada Isgoyska Suuqa Mursal oo Miinada ay ku aaseen” ayaa lagu yiri qoraal ka soo baxay NISA.
Saraakiisha NISA ayaa sheegay iney ku raad joogaan shaqsiyaadkii ka dambeeyey miinadaas la fashiliyey.
Ciidanka Nabad Sugida iyo Sirdoonka Koonfur Galbeed ayaa sheegay iney wadaan Dadaalo ay ugu jiraan sidii ay u badbaadin lahaayeen Nafta iyo Maalka Shacabka Soomaaliyeed sida ay sheegeen qoraalka.
