Guddoomiyaha gobolka Banaadir ahna Duqa magaalada Muqdisho Mudane Yuusuf Xuseen Jimcaale (Madaale) ayaa maanta shir guddoomiyay kulanka guddoonka sare ee maamulka gobolka Banaadir
Kulankan oo ka dhacay xarunta dowladda hoose ee Xamar ayaa intii uu socday looga hadlay arrimo ay kamid yihiin horumarinta caasimadda, amniga, dib-u-dhiska, dhaqaalaha iyo taageerada Dagaalka ka dhanka ah Al Shabaab.
Duqa Magaalada Muqdisho ayaa warbixino kala duwan ka dhageystay guddoomiye kuxigeennada maamulka gobolka Banaadir, xoghayaha guud ee gobolka iyo taliyaha ciidanka Ilaalinta deegaanka Xamar.
Ugu Dambeyn guddoomiyaha gobolka Banaadir ayaa faray guddoonka gobolka in la dardar-geliyo Shaqooyinka maamulka gobolka Banaadir iyo dowladda hoose ee Xamar, si bulshada caasimadda iyo kuwa gobolka Banaadir ay u helaan adeeg hufan.
