Ra’isul Wasaare ku xigeenka xukuumadda federaalka Soomaaliya Mahdi Maxamed Guuleed Khadar ayaa sheegay in qaar ka mid ah shacabka ay cabsi darteed garsoor u doontaan Al-Shabaab.
Mahdi Maxamed Guuleed ayaa intaa ku daray in masuuliyadda muwaadinka Soomaaliyeed ka saaran dowladda inay tahay in ammaankiisa ay sugto, muwaadinkana laga doonayo inuu naftiisa masuul ka noqdo oo uusan u tagin marka ay Shabaab u yeeraan.
“Al-Shabaab kama ka shaqeeyaan cadaalad, balse shacabka waxay u tagaan cabsi ay ka qabaan darteed, marka laga soo waco telefoonada ay wataan” ayuu yiri Mahdi Maxamed Guuleed.
Ra’iisul wasaare ku xigeenka xukuumadda federaalka Soomaaliya ayaa sidoo kale xusay in Baarlamanka federaalka, mucaaradka dowladda iyo shacabka Soomaaliyeed ay arrintan masuuliyad ka saaran tahay keliya aanan xukuumadda lagu dhaliil karin, wuxuuna ku baaqay in si wadajir ah loola dagaalamo Al-shabaab.
“Marka ugu horeysa yaa leh dhaliisha ah Al Shabaab garsoor yaan loo tagin ama haloo tago, Al Shabaab marka ay ku soo wacaan masuuliyadda dowladda ka saarsan waxa weeye inay ammaankaada ilaaliso, qofkana waxaa laga doonayaa inuu iska diido” ayuu intaa ku daray Mahdi Maxamed Guuleed.
Xafiiska Shabakada Allbanaadir.com
Muqdisho Somalia
Allbanaadir@live.com
