Taliyaha sirdoonka dowlada Suudaan ayaa maanta booqasho aan la sii shaacin ku yimid magaalada Muqdisho.
Hay’adda Nabad sugida iyo sirdoonka Qaranka ee NISA iyo ayaa shaacisay in agaasimaha guud ee NISA Xuseen Cismaan Xuseen uu maanta magaalada Muqdisho ku soo dhaweeyay wafdi uu hogaaminayo dhigiisa Sudan Gen. Salah Abdalla Mohamed Saleh oo booqasho rasmi ah ku soo gaaray magaalada Muqdisho.
Madaxa Sirdoonka Sudan ayaa la sheegay inay la socdan xubno ka tirsan sirdoonka dalka Qatar, waxaan saaka loo xiray wadooyinka magaalada Muqdisho, qaarkood, waxayna kulamo la leeyihiin madaxda dowladda Somalia iyo saraakiisha NISA.
Warar soo baxaya ayaa sheegeya in dowlada Qatar ay Sirdoonka Suudaan qandaraas ku siiyeen dib u dhiska iyo qalabeynta sirdoonka Soomaaliya, mashruucaas oo fulintiisa dhowaan la guda galayo.
Xafiiska Shabakada Allbanaadir.com
Muqdisho Somalia
Allbanaadir@live.com
