Waxaa soo badanayo Cabashooyinka Joogtada ah ee ka dhanka ah Madaxweynaha Hirshabeelle Maxamed Cabdi Waare,waxa uuna amar ku bixiyey in la xirxiro qaar ka mid ah Dhalinyarada Magaalada Buulo-Burte oo qabtay Shir loogu soo horjeeday Maamul xumadiisa.
Howsha Caburinta waxa uu ku amray in uu Sameeyo Gudoomiyaha Degmada Buulo-Burte Cabdi Daahir Guure oo isku heeb ay yihiin Waare,waxa uuna dhalinyarada ugu hanjabay Khadka Taleefanka isaga oo ugu goodiyey in uu ku shabadeenayo in ay yihiin Al-shabaab haddii ay markale shir ka dhan ah Hirshabeelle ay qabtaan.
Magaalada Buulo-Burte ayaa Todobaadkii tagay waxaa lagu qabtay Shirar loogu baaqay Hoggaanka Hirshabeelke in ay is casilaan maadaama Madaxweyne Waare faraha la galay iska horkeenidda iyo kala qeybinta beelaha Hirshabeelle.
Xafiiska Shabakada Allbanaadir.com
Muqdisho Somalia
Allbanaadir@live.com
