Madaxweyne Xasan Sheekh oo gaaray Adis Ababa iyo Abiy oo soo dhaweeyay (Sawirro)

Madaxweynaha dowladda federaalka Soomaaliya Mudane Xasan Sheekh Maxamuud iyo wafdi uu hoggaaminayo ayaa goordhaw gaaray magaalada Adis Ababa ee caasimadda dalka Itoobiya.

Ra’isul Wasaaraha dalka Itoobiya Abiy Axmed iyo xubno la socda ayaa madaxweyne Xasan Sheekh si weyn ugu soo dhaweeyay garoonka diyaaradaha Adis Ababa, waxaana madaxweynaha iyo wafdigiisa loo galbiyay xarunta madaxtooyada Itoobiya.

Madaxweynaha Soomaaliya Xasan Sheekh Maxamuud ayaa kulan xasaasi ah la qaadan doona Ra’isul Wasaare Abiy Axmed, labada masuul ayaana kawada hadli doona xoojinta xariirka labada dal, arrimaha amniga iyo arrimo kale oo labada dal quseeya.

Safarka madaxweyne Xasan Sheekh ku tagay magaalada Adis Ababa ayaa noqonaya kii ugu horeeyay uu dalkaasi ku tago, waxaana safarkan uu imaanaya xilli uu mugdi galay xiriirkii ka dhaxeeyay dowladaha Soomaaliya iyo Itoobiya.

 

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -