Xoogaga Al Shabaab ayaa galabta dagaal la’aan la wareegay degaanka Qalimow oo ku yaalla inta u dhexeysa degmooyinka Balcad iyo Jowhar Sida ay sheegayaan wararka naga soo gaaraya gobolka Sh/dhexe.
Goob joogayaal ayaa sheegay inay arkeen afar gaari oo Hoomey ah oo ay saarnaayeen xoogaga Al-Shabaab ee degaanka la wareegay, kuwaasoo aad u hubeysnaa.
Ciidanka Millatariga Soomaaliya ayaa halkaas isaga baxay ka dib markii la sheegay inay ka war heleen xogta ah in Al-Shabaab ay ku soo wajahan yihiin.
Warar kale ayaa sheegaya in sidoo kale Shabaab ay la wareegeen wado ay isticmaali jireen masuuliyiinta Hirshabeelle iyo dadka shacabka ah oo isku xirta magalooyinka Jowhar iyo Balcad.
Saraakiisha ciidanka xoogga dalka ayaa sheegay in degaanka ay uga baxeen xeelad Millatari, ayna dib ugu laaban doonaan saacadaha soo socda.
Xafiiska Shabakada Allbanaadir.com
Muqdisho Somalia
Allbanaadir@live.com
