Madaxweynaha dowlad goboleedka Jubaland Mudane Axmed Maxamed Islaam, ayaa maanta Xafiiskiisa ku booqday Ra’iisul Wasaaraha Xukuumada Federaalka Soomaaliya Mudane Maxamed Xuseen Rooble.
Axmed Madoobe iyo Ra’isul Wasaare Rooble ayaa kulan gaar ah ay yeesheen uga wada hadlay xaalada guud ee dalka iyo xaflada caleemo saarka ah ee beri lagu wado in ay ka dhacdo magaalada Muqdisho.
Kulanka ay yeesheen Ra’isul Wasaaraha xukuumadda Soomaaliya iyo Madaxweynaha Jubbaland ayaa sidoo kale looga hadlay xaalada abaaraha gaar ahaan abaaraha ku dhuftay deegaano katirsan Jubbaland oo dad badan u dhinteen.
Madaxweynaha Jubbaland Axmed Madoobe oo shalay soo gaaray magaalada Muqdisho ayaa sidoo kale la filayaa in kulamo la yeesho madaxweynaha Soomaaliya Xasan Sheekh iyo masuuliyiin kale.
Xafiiska Shabakada Allbanaadir.com
Muqdisho Somalia
Allbanaadir@live.com
