Ugaas Cabdulaahi Ugaas Xaashi Ugaas Faracade oo kamid ah Salaadiinta Soomaaliyeed kuwooda ugu caansan ayaa hambalyo ku aadan Munaasabada Ciidul Fidfriga waxa uu u diray Umada Islaamka gaar ahaan Umada Soomaaliyeed meel kasta ay dunida ka joogaan.
“ Ciid wanaagsan ayaa leeyahay Ummadda Soomaaliyeed meel walbo oo Caalamka ay ka joogaan, Alle waxaan ka baryeynaa ciidan ciida xigta inuu nagu gaarsiiyo Caafimaad iyo Nabad buuxda” ayuu yiri Ugaas Cabdulaahi.
Ugaas Cabdulaahi Ugaas Xaashi ayaa ugu baaqay dadka Soomaaliyeed meel kasta ay joogaan in ay noqdaan kuwa mideesan oo wada jira, waxa uuna ilaah uga baryay in sanadkan kiisa kale ku gaarsiiyo nabad iyo baraare.
‘’Aniga oo ka faa’iideesanaya Munaasabada Ciida waxaan ugu baaqayaa umada Soomaaliyeed meel kasta ay joogaan in ay noqdaan kuwa mid ah , waxaana ilaah ka baryeenaa in naga dulqaado dhibaatada dib u dhigtay dalkeena” Ayuu yiri Ugaas Cabdulaahi.
Ugaaska ayaa ugu dambeyn ugu baaqay Baarlamaanka Soomaaliya in ay soo doortaan Madaxweyne dalka iyo dadka wax u tari kara, waxa uuna sheegay in xilligan loo baahan yahay hoggaamiye dalka ka bixin kara xaalada adag .
Xafiiska Shabakada Allbanaadir.com
Muqdisho Somalia
Allbanaadir@live.com
