Golaha Wasiirrada Somalia oo maanta kulan yeeshay ayaa ansixiyay in laga laabto go’aan uu horay u gaaray Golaha Xukuumadda Sanadkii 2017, kaasoo ururka ONLF u aqoonsaday urur agagixiso, ka dib dhiibistii Cabdikariin Muuse Qalbi dhagax oo ka tirsanaa ururkaas kaasoo loo gacan geliyay Ethiopia.
Waxaa go’aankaas cod gacan taag ah ku ansixiyey dhamaan xubnaha golaha wasiirada marka laga reebo labo wasiir oo midkood diiday, kan kalena aamusay.
Wasiirka Maaliyadda xukuumada Somalia Dr. C/raxmaan Ducaale Bayle ayaa noqday wasiirka kaliya ee diiday in laga laabto go’aanka loogu aqoonsaday ONLF urur argagixiso.
Sidoo kale, waxaa codeyntaas ka aamusay Wasiirka Isboortiga iyo dhalinyarada ee Xukuumada Somalia Xamse.
Go’aanka maanta ka soo baxay golaha Wasiirada oo dad badan ay ku tilmaameen mid lala soo daahay oo ka dhashay khilaafka Madaxweynaha iyo raisul Wasaaraha dalka.
