Ciidamo ka tirsan kuwa Kenya ayaa la sheegay in qarax lagula eegtay degaan u dhow Magaalada Lamu, kaasoo khasaaro dhimasho iyo dhaawac leh geystay.
Qaraxa oo ahaa miino wadada lagu aasay ayaa qabsaday Gaadiid ay la socdeen Ciidamo Kenyan ah oo marayay wadada isku xirta degaannada Kinyonga iyo Mirani ee duleedka lamu, xilli ay roondo ah kujireen.
Al-Shabaab ayaa sheegatay mas’uuliyadda qaraxaas, waxaana warar ay ku daabaceen Baraha Internet-ka ay ku sheegeen in qaraxaas ay ku dileen 10 kamid ah Ciidamada Kenya, sidoo kalena ay gubeen gaari.
Ciidamada Kenya ayaan weli ka hadlin qaraxaas, mana ahan markii ugu horeysay ee degaano hoostaga Magaalada lamu qaraxyo lagula eegto Ciidamada Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
