Ra’iisul Wasaaraha Xukuumada Federaalka Soomaaliya Mudane Maxamed Xuseen Rooble ayaa kulan la yeeshay mas’uuliyiinta Wasaaradaha dekadaha, gaadiidka iyo hay’adaha amniga dalka.
Roobe ayaana faray Wasiirada iyo saraakiisha amaanka in jidadka loo furo caqabadahana laga hor qaado gaadiidka xamuulka ee badeecooyinka geeya kana soo qaada dekadda Muqdisho, si loo fududeeyo ganacsiga, loona horumariyo dhaqaalaha dalka.
Amarkan Ra’isul Wasaaraha Xukuumada Soomaaliya siiyay Wasaaradaha dekadaha, gaadiidka iyo hay’adaha amniga dalka ayaa yimid kadib markii uu shalay booqday Dekadda Muqdisho uuna warbixin ka dhageestay maamulka Dekadda iyo guddiga gaadiidleyda.
Gaadiidka waa weyn ee alaabaha kasoo qaada iyo kuwa geeya alaabaha dalka laga dhoofinayo ayaa dhibaatooyin kala kulma isticmaalka Wadooyinka magaalada Muqdisho gaar ahaan baraha koontarool ay ciidamada joogaan oo loo diido in ay ka gudbaan.
