Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa qaabilay Safiirka Dowladda Kenya u fadhiya Soomaaliya Mudane Lucas Tumbo.
Waxay ka wada hadleen hagaajinta, xoojinta xiriirka iyo iskaashiga labada dal ee dariska ah sida lagu sheegay qoraal kooban oo ka soo baxay xafiiska Rooble.
Danjire Lucas Tumbo ayaa sheegay inuu ka shaqeynayo wanaajinta xiriirka labada dal ee Soomaaliya iyo Kenya.
Kulanka ayaa imaanaya xilli dowladaha Soomaaliya iyo Kenya ay dib u soo celiyeen xiriirka diblomaasiyadeed ee labada dal.
Danjire Lucas Tumbo ayaa ku soo laabtay magaalada Muqdisho, halka danjiraha Somalia u fadhiyey Kenya Maxamuud Nuur Tarzan uu isna shaqadiisa dib uga bilaabay safaarada Somalia ee Nairobi.
Inkastoo xiriirkii diblomaasi ee Somalia iyo Kenya la soo celiyey hadda DF ayaa u muuqata iney ka gaabsaneyso la macaamilka Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
