Ciidamada booliiska gobolka Estren Cape ee dalka Koonfur Afrika ayaa gacanta ku dhigay hogaamiye koox burcad ah oo dhibaato badan ku hayay Soomaalida ku ganacsata deegaanka Motherwell .
Soomaalida kunool deegaanka uu ka howlgalayay hogaamiyahan burcada oo lacago baad ah ka qaadan jiray ganacsatada Soomaaliyeed mararka qaarna dilal iyo dhac u geesan jiray ayaa booliiska ku wargaliyay ninkan dhibka uu ku hayo.
Ganacsatada Soomaaliyeed ee kunool deegaanka Moherwell iyo guud ahaan gobolka Estren Cape ayaa soo dhaweeyay qabashada hogaamiyan burcada ee dhibaatada badan ku hayay ganacsatada Soomaaliya.
Qabashada Hogaamiyahan burcada ayaa kusoo aadeysa xili shalay kaliya magaalada P E lagu dilay sadex muwaadin oo Soomaali ah halka mid kalana lagu dhaawacay , waxa ayna dilalkaan cabsi badan ku beereen Soomaalida kunool dalka Koonfur Afrika.
Deegaanada Soomaalida kunool Koonfur Afrika ganacsiyada ku leeyihiin waxaa ka howlgala kooxo burcad ah oo mudooyinkii dambe bilaabay in lacago baad ah ka qaadaan dukaamada , waxa ayna kooxahan mararka qaarna dilaan Soomaalida iyaga oo sidoo kale dhac u geesta.
Xafiiska Shabakada Allbanaadir.com
Muqdisho Somalia
Allbanaadir@live.com
