Madaxweyne Trump ayaa cambaareeyey qalalaasihii Arbacadii ay dad careysan oo taageerayaashiisa ka mid ah ku weerareen dhismaha Capitol ee magaalada Washington.
Isagoo u hadlayay si ka duwan maalmihii hore, ayuu sheegay in dibad-baxayaasha ay meel uga dhaceen dimoqraadiyadda Mareykanka.
Trump oo hadaladiisa debecesan ay ka yaabiyeen dad badan ayaa sidoo kale sheegay inuu ku hawlan yahay xil wareejin sharciga ku saleysan.
Wuxuu sheegay in maamulka cusub la caleemo saari doono 20-ka bishan Janaayo, wuxuuna ku baaqay isu uur-fayoobi iyo dib u heshiisiin.
Muuqaalka uu soo duubay ayaa waxaa lagu baahiyay bartiisa Twitter-ka oo mar kale loo fasaxay ka dib markii laga mamnuucay ka dib weerarka dhismaha Capitol.
Talaabada uu qaaday Trump ayaa muuqata inuu isaga qaboojinayo carada ka dhalatay weerarkii taageerayaashiisu ku galeen xarunta aqalka Congresska Maraykanka oo uu ka socday kulan lagu ansixinayey guusha Joe Biden.
Xildhibanada labada Aqal ee mucaaradka ku ah Madaxwyenaha ayaa ku baaqay in xilka laga xayuubiyo Trump ka dib weerarkii ka dhacay dhismaha Capitol Hill, kaasoo sababay dhimashada afar qof.
Xafiiska Shabakada Allbanaadir.com
Muqdisho Somalia
Allbanaadir@live.com
