Diyaarad dagaal oo nooceedu yahay F-35 laguna farsameeyo dalka Mareykanka ayaa markii ugu horeesay la arkay iyada oo hawada sare ku jirta duqeymana geesaneysa.
Diyaaradan waxaa adeegsanayay ciidamada cirka ee Isra’il, waxaana sawiro laga qaaday diyaaradan iyada oo duuleysa hawada dalka Lubnaan . waxaana diyaaradan sawirkeeda soo bandhigay taliye sare oo katirsan ciidamada Cirka Isra’il.
Taliyaha ayaa sheegay in diyaaradan duqeymo ka geesatay labo goobood uusan cadeyn, waxaana warar soo baxaya sheegayaan in diyaaradan ka qeyb qaadatay duqeymo ka dhacay gudaha Siiriya.
Diyaaradan dagaal ee F-35-ka ayaa ah diyaaradaha dagaalka ee ugu qaalisan dunida oo dhan, waxa ay sidoo kale diyaaradan tahay mida ugu casrisan qarnigan ay sameysay dowlada Mareykanka.
Israel ayaa ah dowladii ugu horeyay ee ka baxsan Mareykanka ee haysta diyaaradan dagaal oo leh hal kursi , waxa ayna Isra’il haatan heshay sagaal ka mid ah 50 diyaaradood oo ah noca F-35 kuwaasi oo ay horay u dalbatay.
Xafiiska Shabakada Allbanaadir.com
Muqdisho Somalia
Allbanaadir@live.com
