Sida ay sheegayaan wararka naga soo gaaraya magaalada Hargeysa waxaa garoonka dayuuradaha Cigaal ee magaaladaas ka dagay laba Dayuuradood oo ah nooca Helicopterka.
Dayuuradahaas ayaa wararka aan helnay waxaa ay sheegayaan inay sidaan raashin gargaar ah oo loogu talo galay dadkii uu saameeyey roobkii duufaanta watay ee ka da’ay degaano ka mid ah Maamulka Somaliland.
Dayuuradahan gargaarka sida ayaa waxaa la sheegay inay ka yimaadeen wadanka isutaga Imaaraadka Carabta oo bilihii u dambeysay xiriir fiican la lahaa maamulka Somaliland.
Raashinkan ayaa la gaarsiinayaa dadkii uu saameeyey roobkii duufaanta watay ee ka da’ay Somaliland waxaana raashinkaas sii qaadi doonaa Madaxweyne ku-xigeenka Maamulka Somaliland Cabdiraxmaan C/llaahi Ismaaciil Saylici iyo masuuliyiin kale.
Xafiiska Shabakada Allbanaadir.com
Muqdisho Somalia
Allbanaadir@live.com
