Dowlada Somalia ayaa War ka soo saartay dagaalkii shalay ka dhacay degaanka Bacaad-weyn ee gobolka Mudug kaasoo dhexmaray xoogaga Al-shabaab oo halkaas weeraray iyo ciidamada DF iyo dadka degaanka oo si wadajir ah isaga difaacay.
Wararka ka soo baxay dagaalkaas ayaa sheegay inkastoo Al-shabaab markii hore ay qabsadeen degaanka iyo xeradii milateriga haddana markii dambe khasaare xoogan loogu geystay weerar rogaal celis ah oo ay soo qaadeen dadka degaanka iyo ciidankii milateriga ee degaanka ka baxay.
“Guuldarradii shalay lagu gaarsiiyay Al-Shabaab weerarkii ay ku soo qaadeen Bacaadweyne waxa ay tusaale cad u tahay in haddii shacabku ciidanka garab istaagaan si fudud lagu joojin karo weerarrada iyo dhagarta cadawgu usoo maleego Ummadda Soomaaliyeed,” ayaa lagu yiri qoraal uu soo saaray wasiirka warfaafinta Soomaaliya Cismaan Dubbe.
Hoos ka akhriso qoraal ka soo baxay Wasaarada warfaafinta DF oo dagaalkan ku saabsan kaasoo lagu sheegay in Al-shabaab looga dilay 51 dagaalyahan.
Xafiiska Shabakada Allbanaadir.com
Muqdisho Somalia
Allbanaadir@live.com
