Qarax ayaa caawa fiidnimadii la soo sheegayaa inuu ka dhacay saacado ka hor wadada isku xirta Muqdisho iyo Afgooye kaasoo lala beegsaday ciidamada Booliska sida gaarka ah u tababaran ee loo yaqaan Haramcad.
Wararka ayaa sheegaya in qaraxa oo loo adeegsaday miino weyn oo wadada dhinaceeda lagu aasay uu haleelay gaari ay la socdeen ciidanka oo howlgalo ka waday degaanka Ceelasha biyaha.
Goob joogayaal ayaa ku waramay iney arkeen meydadka iyo dhaawaca qaar ka mid ah askartii la socotay gaarigaas oo dhulka daadsan, iyadoo ay halkaas gaareen ciidamo kale oo gurmad ah.
Al-shabaab ayaa todobaadyadan kordhiyey qaraxyada miinooyinka ee ay ciidamada dowlada kula beegsanayaan wadada isku xirta Muiqdisho iyo Afgooye, dhowaan ayeyna aheyd markii qarax ka dhacay isla wadadan lagu dilay lix ka mid ah ciidamada Kumandoska Danab oo uu ku jiray taliye sare.
Xafiiska Shabakada Allbanaadir.com
Muqdisho Somalia
Allbanaadir@live.com
