Wasiirka Amniga Maamulka Jubbaland C/rashiid Janan oo ka mid ah Xubnaha sida weyn ugu dhow Axmed Madoobe ayaa soo gaaray Muqdisho shalay.
Mas’uulkan ayaa la dejiyay Xarunta NISA sida wararka qaarkood sheegayaan, waxaana socdaalkiisa loo badinayaa inuu la xiriiro arrimaha doorashooyinka Jubbaland oo dowladda Federaalka dooneyso inay galaangal ku yeelato.
Janan oo ka soo jeeda gobolka Gedo, ayna isku heyb yihiin Madaxweyne Farmaajo ayaan la ogeyn inuu weji cusub la soo bixi doono iyo in kale ka dib marka dowladdu tashkiiliso.
Safarka uu Muqdisho ku yimid Janan ayaa ku soo aaday xilli uu jiro khilaaf xoogan oo u dhaxeeya Madaxda Dowladda Federaalka iyo Madaxweyne Axmed Madoobe kaasoo aan weli xal laga gaarin, waxaana dowladu ay raadineysaa wadadii ay u mari laheyd sidii meesha looga saari lahaa.
Halkan ka Daawo wararka Allbanaadir Online oo Muuqaal ah
Xafiiska Shabakada Allbanaadir.com
Muqdisho-Somalia
Allbanaadir@live.com
