Madaxweynaha maamulka Galmudug Axmed Ducaale Geele (Xaaf) ayaa ka hadlay cadaadiska uu maamulkiisa kala kulmayo dowlada federaalka Soomaaliya oo xiligan khilaaf xoogan kala dhaxeeyo.
Waxa uu sheegay Madaxweyne Xaaf culeeska ka heesta dhinaca dowlada federaalka uu keenay in uu tagi waayo gurigiisa kuyaala magaalada Muqdisho sidoo kale ku adkaatay in uu tago Cadaado in uu diyaarad ku dul maro mooyee.
” Culeeska na heesta ayaa sababay in hal sano aan tagin gurigeyga Xamar , Cadaadana diyaarad baan ku dul maraa, Laakiin intaas oo dhan dagaal baan ka xigaa waana gaari doonaa ” ayuu yiri Madaxweyne Xaaf.
Madaxweynaha maamulka Galmudug ayaa sidoo kale sheegay in dowlada federaalka Mashaariic ay horey u balan qaadeen in ay ka fulinayaan deegaanada Galmudug aysan waxbo ka qabsoomin .
Xaaf ayaa sidoo kale beeniyay in uu jiro khilaaf kala dhaxeeya madaxda Ahlu Sunna , waxa uuna xusay wararka la baahinayay ay ka dambeeyeen dad uu sheegay in ay kasoo horjeedaan horumarka Galmudug.
Xafiiska Shabakada Allbanaadir.com
Muqdisho-Somalia
Allbanaadir@live.com
