Monday, February 26, 2024
Home Blog

Wasiir Xasan Macalin oo booqday xarunta cilmi-baarista iyo Garsoorka dalka Qatar (Sawirro)

Wasiirka Caddaaladda iyo Arrimaha Dastuurka XFS, Mudane Xasan Macallin Maxamuud oo ku sugan dalka Qatar ayaa booqday xarunta cilmi-baarista qaanuunka iyo Garsoorka dalka Qatar, waxaana madaxda xarunta, cilmi-baarayaasha iyo hawlwadeennada warbixin dhamaystiran ka siiyeen shaqada xarunta iyo hannaanka ay u shaqeyso.

Wasiir Xasan Macallim oo sidoo kale booqday xarunta diiwaan-gelinta iyo nootaayooyinka dalka Qatar, ayaa madaxda iyo howl-wadeennada maamula ka dhegaystay warbixin ku sahabsan qaabka casriga ah ee loo maamulo arrimaha diiwaan-gelinta iyo hubinta nootaayooyinka.

Mudane Xassn Macallim ayaa ka waraystay sida dowladda Qatar u sameyso wacyi-gelinta qaanuunka, tababaridda shaqaalaha qaanuunka ee dawladda, maamulka nootaayooyinka iyo heshiisyada,

Wasiirka oo dowladda Qatar ku ammaanay horumarka ballaran ee dhinaca kaabayaasha caddaaladda iyo garsoorka, ayaa sheegay in Soomaaliya u baahantahay inay ka faa’iidaysato khibradda dalalka saaxiibka ah inta ay ku jirto geeddi-socodka dhismaha qaranka.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Maxkamadda G/Banaadir oo saakay mar kale dhageysaneysa Dacwada ninkii gubay Xaaskiisa

Maxkamadda gobolka Banaadir ayaa saakay mar kale bilowday dhageysiga dacwada ka dhanka ah Sayid-cali Macallin Daa’uud oo loo heesto in uu nolosha ku gubay kuna dilay xaaskiisa oo xaamilo u aheyd.

Maxkamadda gobolka Banaadir oo ay ka socoto maxkamadeynta Sayid-cali Macallin Daa’uud ayaa waxaa ku sugan dadweyne kala duwan oo isugu jiura ehelada Marxuumad Luul Cabdicasiis , ehelada dilaaga iyo dadweyne kala duwan.

Xafiiska xeer ilaalinta dowladda ee dacwada kusoo oogay Sayid-cali Macalin Daa’uud ayaa la filayaa in maanta caddeymo hor leh iyo marqaatiyaal horkeenaan maxkamadda, si eedeynta dilka uu ku eedeysan yahay Sayid-cali loogu helo.

Guddoomiyaha maxkamadda gobolka Banaair ayaa horey u sheegay in aysan dooneyn in waqti badan qaadato maxkamadeynta Sayid-cali Macalin Daa’uud, waxa uuna sheegay in kiiskan si deg deg ah go’aan looga gaari doono.

Kiiska dilka ah ee loo heesto Sayid-cali Macalin Daa’uud ayaa ah mid si weyn indhaha loogu hayo, waxaana dad badan eegayaan g’aanka maxkamadda kasoo bixi doono, iyadoona wali meydka marxuumadii uu dilay ninkan wali ku jirto filinjeer.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Nin fal argagax leh ka geestay afaafka hore ee Safaaradda Israa’iil ee ku taalla Washington

Sida ay masuuliyiintu sheegeen nin ayaa xalay dab isku qabadsiiyay banaanka Safaaradda Israel ay ku leedahay Magaaladan Washington. Ninkan oo aan weli magaciisa la shaacin ayaa shaqaalaha gurmadka caafimaadka waxay ula carareen Isbital Washington ku yaala, ka dib markii ciidamo ka mid ah kuwa Secret Service ee ilaaliyaha madaxda iyo diplomaasiyiinta ay damiyeen dabkii uu isqabadsiiyay.

War kooban oo waaxda dab demiska ee magaaladan Washington ay soo dhigeen internetka ayey ku sheegeen in xaaladda ninkaasi ay halis tahay. Ciidamada Booliska ee magaaladan Washington iyo kuwa ilaalada madaxda iyo diplomaasiyiinta ayaa baaris ku haya dhacdadan.

Safaaradda Israel ayaa xilliyadan dambeba bar tilmaameed u aheyd dibad baxyo joogto ah oo iska soo horjeeda oo ku aaddan dagaalka u dhaxeeya Israel iyo ururka Xamaaz ee ka soda magaalada Qaza.

Debedbaxyadan iska soo horjeeda ayaa Maraykanka ka dhacayay tan iyo bishii October 7-deedii, ka dib markii Xamas ay gudaha u gashay Israa’iil, kuna dishay 1200 oo qof 253 kalena ay ku qafaalatay.

Wixii markaa ka dambeeyay Ciidamada Israel ayaa duulaan ku qaaday Qaza, iyagoo inta baddan magaaladan burburiyay, iyagoo dilay sida saraakiisha caafimaadka ee Falastiiniyiintu ay sheegeen dad ku dhow 30,000 oo qof.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Puntland oo ka xumaatay Haramcad yar oo ku geeriyooday magaalada Gaalkacyo (Sawirro)

War-saxaafadeed kasoo baxay wasaaradda Deegaanka iyo Isbeddelka Cimilada Puntland ayaa lagu sheegay in ay ka xun yihiin Haramcad yar oo ku dhintay magaalada Gaalkacyo ee xarunta gobolka Mudug.

Wasaaradda Deegaanka Puntland ayaa sheegtay in Haramcadka yar ee dhintay uu kamid ahaa saddex Haramcad oo laga soo bad baadiyay dad ugaarsato ah, waxaana la sheegay Haramcadka in uu u dhintay nafaqo darro iyo caafimaad xumo.

Halkan ka Akhriso Qoraalka kasoo baxay Wasaaradda Deegaanka Puntland

GAROOWE: 25-02-2024 Wasaaradda Deegaanka, Daaqa iyo Isbedelka Cimilada waxay ka xuntahay haramcad ka dhintay.

Wasaaradda deegaanka,Daaqa iyo isbedelka cimilada waxay 17.02.2024 Magaalada Galkacyo ka soo badbaadiyay Sadex xabo oo haramacad dhal ah(Cheetah Cubs),

kadib Markii koox reer Miyi ah soo qabsadeen Haramacadkaas dhasha ah kana soo ka xaysteen hooyadood iyadoo u jeedkoodu ahaa inay gataan.

Haramcad kan dhasha ah waxay soo qaateen qiyaastii iyaga oo jira wax ka yar labol asbuuc, xiligan oo kale waa kuwo aad u nugul oo ay sahlan tahay in ay dhibaato soo gaadho, Maxaa yeelay wax caano ah kama aysan soo nuugin hooyadood.

Waxay Wasaaraddu aad uga xuntahay in sadexdii harmacada ee dhasha ahaa ee la soo badbaadiyay uu mid kamid ah dhintay xalay,Taas oo ay sababtay xaalada harmacadka dhintay oo aad u liidatay caafimaad ahaan iyo nafaqo ahaanba, layskuna dayay in la badbaadiyo laakin dadaal dheer kadib ugu danbayntii uu dhintay.

Waxaa xaalad wanaagsan ku jira labadii haray, iyaga oo Wasaaraddu dadaal ugu jirto sidii loo xanaanayn lahaa.

Ka ganacsiga sharci darada ah ee duurjoogta waa Danbi qaran(Illegal wildlife Trade) cid kasta oo ku howlan waxaan u sheegaynaa in ay howshaan faraha kala baxaan, Dhamaan xeerarka ilaalinta deegaanka iyo duurjoogta waxay cadaynayaan in aan laga ganacsan Karin dhamaan khayraadka dibiiciga ah ee dalka sida dhirta, iyo dhamaan duurjoogta dalka.

Waxaan ku war galinaynaa dhmaan laamaha amaanka dowlada Puntland in layska kaashado sidii wax looga qaban lahaa Danbiyada la xiriira Deegaanka iyo Duurjoogta.

- Advertisement -

Orodyahan caan ah oo tartanka orodada looga mamnuucayo hal arrin darteed !

Orodyahan da’da culus ah oo ka qeybgalka tartamada caan ku ahaa ayaa sabab la xiriirta anshax-darro bulsho awgeed looga reebay inuu kasii mid nqodo tartamayaasha muddo labo sannadood ah.

Ganaaxa ayaa ku saabsan balwadda uu sida aadka ah u qabatimay orodyahankan oo ah nuugidda ama cabidda sigaarka.

Chen Mouxian, oo dadku u yaqaanaan ‘Uncle Chen’, wuxuu fogaan-aragyada kasoo muuqday sannadkii 2022 markii uu aad u baahay sawirro laga soo qaaday isaga oo ka qeybgalaya tartamada orodka. Waxa dadka dareenkooda soo jiitay ayaana ahaa in Chen uu hadiyo jeer afka ku sidatay xabad sigaar ah oo shidan. Wuxuuna cabayay ilaa uu tartanka ka dhammaado.

Hadalheyn xooggan ayuu falkaas ka dhex abuuray bulshada Shiinaha. Waxaana in badan ay ku tilmaameen arrin tusaale taban ama aan fiicneyn u gudbinaya da’yarta Shiinaha oo moodaya wax caadi ah sigaar cabidda.

Bishan Janaayo, si kastaba, Chen waxaa laga diiday inuu tartanka ka qeybgalo maadaama la garowsaday sida uu sawir qaldan ugu gudbinayo dhalinyarada waddanka oo laga yaabo inay mustaqbalka kaga daydaan.

50 jirkan ayaa sugi doono muddo labo sanadood ah si uu mar kale uga soo muuqdo tartamada orodada Shiinaha.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Dowladaha Soomaaliya iyo Qatar oo kala saxiixday heshiis is-afgarad ah (Sawirro)

Wasiirka Caddaaladda iyo Arrimaha Dastuurka XFS, Mudane Xasan Macallim Maxamuud oo booqasho rasmi ah ku jooga Dooxa iyo wasiirka Cadaaladda dalka Qatar, ahna wasiirudawlaha Arrimaha golaha wasiiradda dalka Qatar mudane Ibraahiim Bin Cali Almuhannadi ayaa maanta kala saxiixday heshiis is-afgarad ah oo ku saabsan iskaashiga arimaha sharciga.

Heshiiskan Is-afgaradka ah wuxuu ka turjumayaa danaha labada dal ee isweydaarsiga macluumaadka iyo khibradaha qaabka diyaarinta, qorista iyo daraaseynta qabyo-qoraallada heshiisyada iyo heshiisyada is-afgaradka.

Sidoo kale, waxay labada dowladood iska kaashanayaan cilmi-baarista sharciga iyo garsoorka ee labada dawladood, barnaamijyada tababarrada sharci iyo garsoor, kor-u-qaadidda xirfadda & aqoonta sharciyaqaannada, qareennada iyo nootaayooyinka.

Munaasabadda saxiixa is-afgaradka oo ka Xarunta Wasaaradda Cadaaladda ee Qatar ayey labada wasiir kulan gaar ah oo ay ku qaateen uga wada hadleen xiriirka labada dal, iskaashiga Cadaaladda ee labada dal,dhameystirka dastuurka Soomaaliya ,dhismaha cadaaladda dalka iyo in labada wasaaradood iska kaashadaan khibrad wadaagga iyo dhanka sharciga.

- Advertisement -

Shir ay ka qeyb galayaan 100 Hoggaamiye oo Nairobi ka dhacaya iyo Madaxweyne Xasan Sheekh oo…

Shirweynaha 6-aad ee ururka Qaramada Midoobay u qaabilsan Arrimaha degaanka ayaa lagu wadaa inuu toddobaadkan ka dhaco magaalada Nairobi ee dalka Kenya.

In ka badan 100 hoggaamiyeyaasha caalamka ah ayaa la filayaa inay ka qeybgalaan shirkaasi, iyadoo lagu wado inuu madaxdaasi ka mid noqdo Madaxweynaha Jamhuriyadda Federaalka Soomaaliya Mudane Xasan Sheekh Maxamuud iyo wafdi uu horkacayo.

Madaxweynaha ayaa la filayaa inuu shirkaasi khudbad ka jeediyo, Isbeddelka cimilada iyo saameynta aafooyinka wata ee uu leeyahay iyo in si wadajir ah xal loogu helo ayaa ah ajendaha ugu weyn shirka.

Soomaaliya ayaa ka mid ah waddamada dadaalka xooggan ugu jira in xal loo helo isbeddelka cimilada oo dhibaatooyinka uu dhowaan ka geystay dalka ay ka mid yihiin roobabkii fatahaadaha watey ee El Nino oo qeybo badan khasaare isugu jira dhimasho , burbur hanti iyo kaabeyaasha dhaqaalaha ay ka geysteen.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo dadaaladaasi isbeddelka cimilada la xiriira hormuud ka ah ayaa saxiixay Sharciga Ilaalinta iyo Maareynta degaanka oo hore ay u ansixiyeen Baarlamanka Federaalka Soomaaliya.

- Advertisement -

Askari fashiliyay qarax lagu dili rabay taliye Mahad Islam oo abaal-marin lacageed la siiyay (Swwirro)

Ciiddanka Daraawiishta maamulka Jubbaland ee ka howlgala degmada Afmadow ee gobolka Jubadda Dhaxe ayaa fashiliyay qarax miino oo la doonayay in lagu dilo  taliyaha daraawiishta degmadaasi Mahad Maxamed Islam.

Ciiddanka oo helay xogta qaraxa ayaa fashiliyey labo miino, kuwaas oo ah nooca dhajiska loo yaqaan ee baabuurta lagu xiro, waxaana qaraxyadan la doonayay in nolosha lagu dhaafiyo taliyaha iyo ciiddanka la socday.

Ciiddanka daraawiishta Jubbaland ayaa wada howlgallo lagu baarayo dadkii ka dambeeyay qaraxyadan miino ee maanta ciidamada fashiliyeen, mana jiro saraakiisha ciiddanka xogo dheeraad ah oo ay ka bixiyeen qaraxyada iyo dad loo soo qabtay.

Gaashanle dhexe Mahad Maxamed Islam taliyaha ciidanka Daraawiishta Jubbaland ee Afmadow ee qaraxa laga bad baadiyay ayaa abaal marin lacageed oo dhan $5000 oo doollar guddoonsiiyay askarigii geesiga ahaa ee soo gudbiyay xogta miinooyinkan la fashiliyay.

- Advertisement -

Kenya oo Safiir cusub usoo magacawday Soomaaliya iyo Madaxweynaha oo aqoonsiga ka guddoomay (Sawirro)

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa warqadaha aqoonsiga danjirenimo ka guddoomay Safiirka cusub ee Jamhuuriyadda Kenya ay u soo magacawday dalkeenna Mudane Cyprian Kubai Iringo.

Danjire Cyprian Kubai oo Madaxweynaha Jamhuuriyadda Mudane Xasan Sheekh Maxamuud soo gaarsiiyey salaan iyo farriin uu kaga siday Madaxweynaha dalkiisa Mudane William Ruto ayaa dowladda iyo shacabka Soomaaliyed uga mahadceliyey soo dhaweynta diiran, waxa uuna xusay in uu ka shaqeyn doono adkeynta xiriirka diblomaasiyadeed ee ka dhaxeeya labada dal.

Madaxweyne Xasan Sheekh oo ugu hambalyeeyey Danjiraha xilka loo igmaday ayaa u rajeeyey in uu ka miro dhaliyo sidii uu xaqiijin lahaa gudashada waajibaadkiisa diblomaasiyadeed, waxa uuna xusay ahmiyada ay u leedahay Soomaaliya iyo Kenya iskaashi wadajir ah oo ku saleysan danaha labada dowladood iyo guud ahaan Gobolka.

- Advertisement -

Madaxweyne Xasan oo Arrimo muhiim ah kala hadlay James Stephen oo Muqdisho yimid

Madaxweynaha Jamhuuriyadda Federaalka Soomaaliya Mudane Dr Xasan Sheekh Maxamuud ayaa Madaxtooyada Qaranka ku qaabilay Wasiiru Dowlaha Gaashaandhiga ee Dowladda Ingiriiska Mudane James Stephen Heappey oo booqasho ku yimid dalkeenna.

Madaxweynaha Jamhuuriyadda ayaa la wadaagay Wasiirka guulaha wax ku oolka ah ee laga gaaray xaqiijinta amniga, tayeynta Ciidamada iyo la dagaallanka argagixisada oo hadda maraya heer wanaagsan, taas oo suuragalisay in dalkeennu uu ka gudbo marxaladdo adag oo ay ka mid tahay qaadista cunaqabateynta hubka

Madaxweynaha ayaa uga mahadnaqay Boqortooyada Dowladda Ingiriiska doorka ay ka qaadato tababarida ciidamada Soomaaliyeed, xilli ay Soomaaliya isku diyaarineyso la wareegida mas’uuliyada amni ee dalka, kadib bixitaanka qeybaha ka harsan ciidamada ATM.

Dhankiisa, Wasiiru Dowlaha Gaashaandhiga Boqortooyada Ingiriiska Mudane James Stephen ayaa bogaadiyey horumarada muuqda ee ay si wadajir ah ugu tallaabsadeen shacabka iyo dowladda Soomaaliyeed, isaga oo xusay sida ay uga go’an tahay dowladdiisa xoojinta iskaashiga difaaca iyo la dagaallanka argagixisada ee ka dhaxeeya Soomaaliya iyo UK.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

News in English

Ethiopia’s Provocations Have Prompted Somalia to Consider a Thoughtful Response

Mindful consideration is essential in navigating the tensions arising from Ethiopian provocation and determining Somalia's responsive actions. Deliberate thoughtfulness is critical in fostering diplomatic...

Xulka Allbanaadir

HINNA Jobs

HINNA as a local humanitarian organization, established in 2003 for providing humanitarian support to the vulnerable and marginalized populations in south and central Somalia, HINNA...