Qarax aad u xoogan ayaa goor dhow abaarihii 7:00-dii fiidnimo iyo daqiiqado ka dhacay magaalada Muqdisho kaasoo jugtiisa laga maqlay meelo badan.
Wararka ugu horeeya ayaa sheegaya in qaraxu uu ka dhacay agagaarka dugsiga sare ee Booliska oo ku yaalla degmada Xamar jajab ee magaalada Muqdisho.
Waxaa loo badinaya in qaraxan loo adeegsaday gaari waxyaabaha qarxa laga soo buuxiyey, iyadoo la arkayey uuro iyo qaac daruuro la moodo oo cirka isku shareertay sida ay sheegeen dadka degmooyinka waaberi iyo Xamar jabab,
Dugsiga sare ee Booliska (Iskoolo Buluusiyo) ayaa ka mid ah xarumaha ugu waaweyn ee laga hogaaminayo ciidamada amniga ee howlgalada ka wada magaalada Muqdisho.
Weli lama oga khasaaraha ka dhashay qaraxan, laamaha amaanka dowladana weli kama aysan hadlin.
La soco wixii soo kordha
Xafiiska Shabakada Allbanaadir.com
Muqdisho-Somalia
Allbanaadir@live.com
