Madaxweynaha Dowlad goboleedka Puntland Siciid Cabdullaahi Deni oo maalmahan ku sugnaa Magaalada Qardho ee Xarunta Gobolka Karkaar Puntland ayaa maanta ku wajahan Magaalada Boosaaso.
Deni ayaa ka hor safarka Boosaaso waxa uu sii mari doonaa degmooyinka Weeciye iyo Carmo & degaanada hoos yimaadam halkaasoo uu kulamo kula qaadan waxgaradka iyo qeybaha bulshada.
Amaanka magaalada Boosaaso ayaa saaka si weyn loo xoojiyey, waxaana wadada magaalada laga soo galo iyo magaalada gudaheeda la dhigay ciidamo aad u hubeysan oo amniga ka shaqeynaya.
Madaxweyne Siciid Cabdulalhi Deni ayaa markii uu tago Magaalada Boosaaso waxa uu kulamo la qaadan doonaa Maamulka degmada iyo saraakiisha Ciidamada iyo Wasiirka Amniga Puntland oo ku sugan Magaalada Boosaaso, isagoo kala hadli doono xaalada amniga Boosaaso oo mudooyinkan laga deyrinayey.
Xafiiska Shabakada Allbanaadir.com
Muqdisho-Somalia
Allbanaadir@live.com
