Qeybihii ugu horeeyay ciidamada ilaalada Madaxtooyada Somalia ayaa gaaray maanta magaalada Baydhaba, iyadoo dayuurad looga qaaday magaalada Muqdisho.
Ciidamadan ayaa la sheegay in magaalada Baydhabo loo geeyay sababo la xiriira xaaladda amniga magaalada oo la filayo inuu tago Madaxweyne Maxamed C/llaahi Famaajo oo ka qeyb galaya caleemo-saarka Madaxweynaha ku soo baxay doorashadii muranka badan hareeyay ee K/Galbeed.
Waxa magaalada Baydhaba hore ugu sugnaa ciidamada booliska ee gaarka ah oo Muqdisho laga diray, waxaana lagu kordhiyey ciidamada madaxtooyada si amniga Madaxweynaha ay u sugaan maalinta uu joogo magaalada Baydhaba.
16ka bishan oo ku began Arbacada soo socota ayaa la filayaa in magaalada Baydhabo lagu qabto xaflada caleemo saarka Madaxweynaha koonfur galbeed Somalia C/casiis Laftareen.
Xafiiska Shabakada Allbanaadir.com
Muqdisho Somalia
Allbanaadir@live.com
