Markab laga leeyahay dalka Iran oo shil ku galay dhowaan badda Shiinaha ayaa hadda la soo sheegayaa inuu gebi ahaan gubtay.
Markabkan oo lagu magacaabo Sanchi ayaa waxaa la sheegay in hadda dabkiisa uu ku faafay masaafo dhan 100 km oo isku wareeg ah.
Sanchi waxa uu sidey 136,000 kun tan oo shidaalka ceyriinka ah, wuxuuna ku dhacay markab kale oo horaantii bishan.
Ugu yaraan 32 shaqaale oo saarnaa markabkan ayaa dhammaantood geeriyooday, iyadoo llaa afar goobood uu dabku ka holcayo sida ay ku waramayso warbaahinta Shiinaha.
Shidaalka uu waddo ayaa waxaa la sheegay in uu yahay mid sun ah, islamarkaasna ka gubasho  xun shidaalka kale.
Wasaaradda gaadiidka Shiinaha ayaa sheegtay in ay kooxo u direyso halka uu markabka ku gubanayo si wax looga qabto dhibaatada degaanka u iman karta.
 
Xafiiska Shabakada Allbanaadir.com
Muqdisho Somalia
Allbanaadir@live.com
