Taliyaha ciidanka dhulka ee xoogga dalka Soomaaliyeed Jeneraal Dayax Cabdi Cabdulle ayaa gaaray degmada Afgooye ee gobolka Shabeellada Hoose.
Jeneraal Dayax Cabdi Cabdulle ayaa kormeeray saldhigyada ciidamada Xoogga degmadaas isagoo u kuur galay xaalada ciidamada halkaas ku sugan
Saraakiil uu ka mid yahay Abaanduulaha qeybta 12-ka April G/Sare Warsame Maxamed Diiriye iyo saraakiil kale ayaa Taliye Dayax ku soo dhaweeyey Afgooye.
Taliyaha ayaa ciidanka amar ku siiyey inay u diyaar garoobaan howlgallo culus oo Al shabaab looga sifeyn doono degaanada ay uga sugan yihiin Sh/Hoose.
Taliyaha Ciidanka dhulka ee xoogga dalka Soomaaliyeed oo maalmihii la soo dhaafay ku sugnaa gobolka Sh/Hoose ayaa sheegay inuu socdo diyaar garowga dagaalka guud ahaan dalka looga xoreynayo wax uu ugu yeeray argagixisada.
